ابو ذيات تخص لاعبين المنتخب اتخبل لا تفوتكم ارجو التثبيت

وحك طه وحك موسى ويونس
لعبكم حيل يعجبني ويونس
إذا هوار يلزمهه ويونس
إذا بلدرب فرحه عراقيه



اني الي مثل ميل الساعه وميلان
وضربتي خط عدل مابيهه ميلان
واني الي جنت العب لللانتر وميلان
هوار ابن ملا كام يتفيك عليه



يصاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه

**** **** ****

اكظي الليل كله اني بيك هام
وكون البيه مره يصير بيك هم
جزاء انت واليلعب بيك بيكهام
يجيب الكول من غصبن عليه

**** **** ****
ناس العراق حلوة وسهله
يامحلة الشمال بجبالة وسهله
واليرد لبلاده يا اهلا وسهلا
وينجمع الشمل كبل المنية






حبيبي العراق مانسوه بدونه
واسمه على كليبي دوم ادونه
اناشدكم يا اهل الغيرة ودونه
للغالي ونكول كلنا لاللطائفية


يحلو الاطباع واصلني وقارب
ماعندي اهل غيرك وقارب
سفينة بالبحر ردتك وقارب
تشيل الحمل من يثكل علية





الهيبة بس الك ربك وهبها
انسام الخير من وجهك وهبها
امر دارك يبو النخوةوهبها
شهم والطيب صاير سجية





هجرك ياولف صاير بلا حد
مثل سيف اليكص ركبة بلا حد
رحت وانة انتضر ترجع بالاحد
اشو اجة الاحد ومامريت بيه





ليش اتخون وانتة احلفت بايات
ومزلاكة اطلع مودرج بايات
تريد اتعوف مو بس باي بايات
واليرجع بعد نعلعلة




امشيلك ابدال الميل ميلان
وحبك على كلبي يميل ميلان
اذا نادي عراقي غلب ميلان
يصير سهل نسيانك عليه

جميل عاشت ايدك

ههههه
والله حلوات عاشت ايدك

عاشت ايدك صديقي