دارميات جديدة بعدها مطالعة من الفرن.. و ارجو التثبيت الموضع

عدل سابقا من قبل martin في 2008-07-19, 9:30 pm عدل 1 مرات

دارميات جديدة بعدها مطالعة من الفرن تعالو خل نقراها

أنهجم بيت العين اشكد وكيحـــه
كل ما تشوف حليو تكلي صيحه
*
ياماخذين الولف اوليفي وريد أويـاه
مانام لليل الشتى أومقدر على فرقاه
*
حـط باللبن تيــزاب مجبـور أشربـه
بس لا أشوفك يوم تمشي وي غربـــه
*
علمني عالنسيان ارد انسى ضيمـــــك
وي غيري قمره اتصير بس حصتي ضيمك
*
عبالي طيب زاد واعطيتك اعيون
تالي توج النار ويا اليكرهـــون
*
اوقف يبعد الروح اوياك الحســـاب
تسَافر أو جرحي اينوح ليهسى ماطاب
***********************
محاورة شعرية بين طالب وطالبة واستاذ
الطالب : بالصف افكر بيج وعن درسي فاتر
واسمج كتبتة بشوك فوكَ الدفاتر
الطالبة: امن الجامعة للبيت وانت على بالي
وبكل صفحة يالمحبوب وجهك يلالي
الاستاذ: الحب يدفع الانسان لاعلى المراتب
ويتبرة منه الشوك لو طلع راسب
الطالب: انه ادري يا استاذ للعاطفة احدود
والواجب اخليه للدرسة مشدود
الطالبة: حب الوطن يا استاذ من حبنة اكبر
نريد انتفوق دوم وبالعلم نسهر
الاستاذ: ولدي المحبة احساس والعلم بابة
ويندم هواي هواي اليهمل كتابة
***********************
محاورة بين عشاق:
هو: ابسد شجرة التفاح مشتولة روحي
وبالفركة حتى الطير ناح على نوحي
هي: اجيتك ومن ابعيد سبكتني روحي
ومن لمست الجفين طابن جروحي
هو: لا كلبي نوبة ايهيد لا عيني تغفة
لا صبر بيه يفيد لا ناري تطفة
هي: اتمنة روحي اتصير نجمة وترابيك
وبهيدة تالي الليل انزل واشم بيك
هو: اتمنة اهل الشوك يلتم شملهم
والطرب والاشعار اتبرع الهم
هي: اهل الهوى ايكولون كلهم مساكين
وعدهم الف تفسير لو رفة العين
***********************
تابع احد الشبان احدى الفتيات فقال لها
كاع انه وانت الطير لابد يحط يوم
لو تتعب الجنحان لو ينكرك حوم
فقالت له
كاع انت وانه الطير وتظن احطن
لو تتعب الجنحان بالماي اغطن
************************
الوطن نفسه الوطن والنار والجنه *** والدين واحد نزل لاشيعه لا سنه
اربع اسامي الصفن خل تفتخر الاجداد *** الدين واسم الوطن وامي واسم بغداد
أطحن واكضي الليل عن المأ ريده *** بالكذله أصبح شيب من مدة ايده
كلما تمر ذكراك أرجع البيتك *** الوطن لاتنسوه جانت وصيتك
الوطن ماننساه ولاننسه أسمنه *** لابد يجينه يوم نحقق حلمنه
الوطن لاتنسوه يلغبتوا عنه *** بعده حزنه امجيم بديار أهلنه
ظلمه وحظر تجوال والدرب مكطوع *** صدك امدن ليك جسر من الظلوع
اتحدى كل الخوف بس كون اشوفــك *** عشرة شهر شهرين وتريد اعوفـــك
عشرتنه انا وياك ماتــنوصف دوم *** معاشرني صبح وليل طالعلي بالنوم
حتى من اغمض العين بحلامي الكيك *** جــذب عليك الكال يالغالـي ناســيك
شلون اكدر انا انساك وانكر حنـــانك *** وينه الوفي ابهالــكون يرهم مجانــك
************************************
هو / آنه اللي عيني اعليچ واصل عماهـــــــــا
اتحدى كل الناس تبچي أبچاهــــــــا
هي / وآنه الدموع اعليك ابچيها اشكـــــــــــــال
وتدري انت فص العين من وشلـت ســــــــــــال
هو / صاحو عليَّ الناس واسمع ولا چــــــــــــن
گالوا خذاه الشوگ هذا الولـــــــــــــد جــــــــــن
هي / لو تدري آنه اشلون مبتليه بيهــــــــــــم
عمدة من امر يحچون باسمــــك حچيهـــــــــــم
هو / خل تحچي كل الناس بالچ تصــــــــــدگين
ولا يبقى فكرچ دوم بيهم تفكريــــــــــــــــــــــــن
هي / ماصدگ الينگـــال بس بيـــــك اصـــــدگ
لن نبضي آنه وياك كـــــــل ثانيـــــــة ايــــــــدگ
هي / لو تدري حالي اشلون من بعدك اشصار
چا گلت عفيه اعليچ متحملـــــــــه النــــــــــــار
هو / شوفي آنه حالي شلون من كثر الهموم
بس رسم فوگ الگــاع سترنـــــي الهــــــــدوم
هي / اتمنى طيرة الروح واوصل واحاچيـــــــــك
واگعد وحط الهمــــوم يمــــــــــك وابچيـــــــــــك
**************************
كالولي تتحنين بجفاج اليه
كالت مسحت العين وثر بديه
مر بينه شنهو يصير من تمر خايب
مسموم انا بفركاك مامش حبايب
والحظري بالله اشلون يلبس عكاله
يطمس طمس براس صيحوله خاله
كاكه ارد اصير اليوم ورد احجي كردي
خاف احجي بلمكلوب وتسمعه هندي
اتونس على شفاك لو حركته
وانسى اشتريد تكول وانسى الكلته
كالولي بنت الناس دكتورة طلعت
عالجت كل الناس بس قلبي قطعت
من ابجي ابجي وياي يا روحي وانعي
ولو حزني ما بجاج من يمي اطلعي
بعيوني دمعة ضيم لمن اهلهة
تنخسف حتى الكاع من كد ثكلهة
يلعشت بين الروح لاتضن ناسيك
بالكلب رجفه تصير من طاريك
دوم أنت بشداة مبرد للضيوف
وصدرك مضيف أجواد لو مرو ضيوف

لاتنخة هذا وذاك انة ارد اوصيك
شو محترك بالماي جابيش اطفيك
كون انه اصير اعيون وابجي اعله خدك
حتى انت تعرف زين ياهو اليودك
انت اول الحلوين متصدر الكل
حته المروره البيك هم حلوه تكتل
اتمنه لو رسام ورسملك اعيون
وسع البحر واحتار اصبغهه يالون
حسدوني ولهاليوم ماشيب الراس
شيبي الطلع بلروح ماشافتة الناس
بلحلم جنك جيت من ذاك الغياب
كبل ايدي شفت الروح فتحتلك الباب
اتمنه لو رسام كل نضره لوحه
وبعينك انسه الروح من ينسه روحه
ردا على الدارمي الذي يقول
برج الدلو شمحلاه واحلى اكثر انته
والبرج فاهي يصير لو انته عفته
الرد
البرج منك صار لمن تدليت
وسط البرج نيشان يلغالي خليت
روحي او تريد اتروح جاشلي بيهة
وينك يملك الموت تقبض عليهة
يردونك الشمات غارگ بالهموم
صدگني مرعوبين من صحوة اليوم
***********************
حوار بين حبيب وحبيبية
تعالو نتابع الحوار
الحبيب
مزدودة كــل الطرق صبات واســلاك
عبوة تحــط بلدرب صدكني اتعنــــاك
الحبيبة
عبــوة احطلك بلـدرب وازرعهة انـي
تدري شوكت تنفجر من كلبي ينسانـي
الحبيب
الكلب ماينســاك جيـف انــت دمـة
الجرح لو بـــي فاض ياهو اليلمـة
الحبيبة
الجرح لو بـي فاض اضمادة ادية
والجــرح لـــو ينشـــال انكلة بية
الحبيب
شتنكل جرح عاكول وتحطة يمـك
ربع العلي لو بيك يتلاشـة جدمـك
الحبيبة
فدوة تـروح اشلاي صدكنـي لجلك
لو انت سـل بلروح هــم مــا أمـلك
الحبيب
ادري تحبني هواي بس اني اكثـر
بلحلم شفتك طيف وخايــف لتعثـر
الحبيبة
بلحلم انت هـــواي خايف عليـة
اشحـــال لــو بلعين تلمس اديـة
الحبيب
لو شفتـــك انــة اليــــوم ثــــق مااعوفك
ساعة اصفن عله العين وساعة بوصوفك
الحبيبة
اشدعوة ساعـة هــواي تصفن علعيـون
من توصل الخدين .. والحاجب شلــون
الحبيب
بلوصف حــاير ليــش .. وصفــك يتعب
هذا انة حالــــي اعليك بلوصــف داحب
الحبيبة
عـــوف الوصــف يهـواي صدكني احبـك
مــــن كثـر ماانــــــــة اهواك مرات اسبك
الحبيب
سبني شتسب اهـــواي انــــي اريـــدك
اتمنة انــــــة دمـــــاك ومعيش وريـدك
اخر شي ملت الحبيبية وكلتلة
عله اهلي يمتة تمر وتخطبني فضهة
كل مـا تمر ايـــــــام ايــدي اعضـــهة
الحبيب
لتعضعض ايــــدك ليش جايـلك اني
بزفتنة احنة الكــون .. يطرب اغاني
جلبتو خلصت [ندعوك للتسجيل في المنتدى أو التعريف بنفسك لمعاينة هذه الصورة] ههههههه [ندعوك للتسجيل في المنتدى أو التعريف بنفسك لمعاينة هذه الصورة] يلة حشاشة انتضر ردودكم الحلوة ***و ارجو تثبيت الموضوع *شكراا

مشكووووووووووووووووووووووور

وعاشت ايدك

مشكووور حبي وكح بغداد على المرور الحلو

اي اني جلبت اريد دراميات بعد ههههههههههه
مشكوووووووووووووووووووور

تسسسسسسسسسسسسسسسسسسسسسسسسلم على الموضوع

تسسسسسسلم عيوني مارتن وهاي اتثبت الموضوع لعيووونك
وبعد نورنا بمشاركاتك

مشكوووووووووووور على المرور

مشكوووووووور نورة على التثبيت

تحياتي

تسلم عيوني
تستاهل اكثر

شكرا اللك كلش حلوة وتقبل المرور

مشكووووووووووورييييييييييييييين ع المرور

حبيبي شكرا على الموضوع بس اكو اشعار ودارميات مكررة

عاشت ايدك والله روووووووووووووووعة تسلم حبي على الموضوع

عاشت ايدك ياورده كلك ذوق على هالاشعار

عاشت الايادي وربي رووووعه وانشاء الله المزيد

عاشن ايدك الحلوه

عونه الي وصل حيهم شافه\ وعونه الي قبل اخدوده وشافه\ الهي من المرض طيبه وشافه\فقير ولاتمسه بكل اذيه

حلوه والله عاشت ايدك حبي يسلموو

مشكور خيوووووووووو وتستاهل التثبيت

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ياوكححححححححح

» دارميات جديدة -روعه
» دارميات عراقية جديدة دخلو شوفوهاا
» دارميات بقلمي هدية لصديقي كاظم العراقي دارميات مال هسة
» قصيدة العلم للشاعر الكبير عادل محسن ارجو التثبيت
» هلو حشاشة اليوم جبتلكم دارميات خرافية كلها جديدة