***احبـــكــمم***
.....................احبك كلمه متفارك لساني
وبعدك ماعشت عمري عساني.............
احبكم ما اعيش ابلا هواكم
ويظل محروم كلبي المانساكم
خذتكم قسمتي لنسان ثاني
وبعدكم ماعشت عمري عساني
................شفايفكم طبعتوهه على خدي
وعشت عمري بهواكم حلم وردي........
رجعت وحالتي منكم غريبه
بكلب محتار ماحصل نصيبه
وكبل جنت انه المدلل زماني
وبعدكم ماعشت عمري عساني
................بدون اعيونكم شلي بحياتي
وبقت بس الصور من ذكرياتي .........
انتهيت ونزلن عيوني الحزينه
بنفس ذاك الطريق البي مشينه
تركتوني غريب لوحدي اعاني
وبعدكم ماعشت عمري عساني
**********************************
****انا أشتاكيت
**من شفتك حبيبي العين بالعين دمعتي ودمعتك نزل سوية**
**رجف كلبي عليك ووكف لحظات واحس وفتني ساعتهة المنية**
**اذا حبك اذية تعذب الروح صدك اني راضي بهالاذية**
**انا اشتاكيت ماظل صبر بية واجيك اليوم مو باجر الجية**
**اجيلك ركض ووصل كبل الاجدام واذا تعبن اجدامي امشي اعله ادية**
**واذا حنيت الي وذاك الخلك بيك احس بدنيتي ضاكت علية**
**واذا بيناتنة ابعيدة المسافات على النسمات توصلني الوصية**
**حبيبي ولوردت وصي الهوى الهاب اشم بيه ريحتك من يمر بية**
**واذا وحشة عليك اصير باليل عليه الوحشة تبدي من المسية**
**واذا دمعك علي يترل بالاخدود عليك عيوني طاحن بين ادية* *
*************************************
****اشوفك وين****
اشوفك وين؟ حبيبي اتوسلك واطلبها منك دين
اشوفك وين؟ يالساعة افراكك جنهة عشر اسنين
اشوفك وين؟ عين الماتشوفك عمية هاي العين
وعين المابجتلك شلي بيها العين
وابوسك وين؟ لو مره اني اشوفك كلي ابوسك وين
عالخدين... ماظن تطفة ناري ابوسة الخدين
ابوس العين... لا يالعين صدكـ انتهي لو صرنة عين بعين
واشمك وين... شعرك لو ركبتك لو من الجفنين
لو من الشفايف لو من الرمشين
لايازين ترة اطباع المفارك مو اطباع الزين
تذكر بالهوى شكد جنة متصافين؟
ما اذكر حبيبي بلحظة انتة بعيد
انت اقرب الي من رمش العين
مايشبهك احد بالعشك والله
اني اوياكبالحب نختلف ياحلو عالباقين
اني وياك مو انسان يهوى انسان
اني وياك واحد منقسم نصين
لو جبنة الحلاوة انتة اجمل الحلوين
ولو جبنة الوفة انتة اغلى الموافين
لا ياعين لتبطلين دمعج مو خسارة يروح عالحلوين... عالغالين
روحي اليوم تخلص حدها هذا اليوم
اخاف انتهي وتندم ياحلو بعدين
اشوفك وين؟
**************************************
****يا ذنب الجنيتة****
يا ذنب الجنية وعني باعدتي وهسة اندارات الدنيا وتندمتي
انتي ام عين باعت عشرتي بلحظات بنفس العين هسة كبالي دمعتي
المواقف تنذكر لمن يصير اعتاب انا شكايل عليج وعني شكلتي
يسألونج عني وكلتي هذا منين وسألوني عليج وكلت صاحبتي
متأمل جروحي الليلة كلهة تطيب وانسى الذكريات ودمعتي وقصتي
ماحن الي كلبج الا هذا اليوم بعد ياجرح يشفة وانتي عاودتي
حرت مابين عن وجهج ادير العين ومابين احضنج واصرخ اتاخرتي
عيني اتحملت واندارت بملكاج ولا جنها اغركت بالدمع لمن رحتي
بس كلبي ضعف واتعاند أوية العين ورضا وسامحج اول ما تعذرتي
******************************************
***اجيتك***
اجيتك مستحي وبالكوة ادك الباب وعالخدين سالت دمعة مفضوحة
وصلت لباب دارك وتعثرت بالباب كد ماتعبني الجية والروحة
غريب وعندي صعبة هواي طبة الدار وكبل جانت كبل بس الي مسموحة
بجيت وصحت بسمك من ورة الحيطان بكلب مسكور يشبه كسرة اللوحة
حبيبي بداعتي مر عالكلب خطار وبسجين عينك مزق جروحة
العالم تذبح الدمعة بضريج ايام واني بحضرتك دمعاتي مذبوحة
اني الجنت اجيك بضحكة من ابعيد اجيت بطرك دمعة وروحي مجروحة
اجيتك واعتذر واعتب عليك هواي واريد ارجع البيتي اذنوبي ممسوحة
من دونك بلافرحة وكصيرة الايد وأشوف الفرح يمي وايدية متلوحة
حبيبي بعيني اشوفك جاهل زغيرون تتمرجح واني كلبي ايصير مرجوحة
حبيبي معاهدك واحلف كلام الله اليخونك حبيبي ايقشمر بروحة
*******************************************
***ساعة وتغيب الشمس***
ساعة وتغيب الشمس ساعة ويجيني الليل.....
ويحتاج حيل ودمع ومنين اجيب الحيل.....
روحي حمامة صفت ابيت اهلي تدور.....
اشتاقيت لمي انا والخبزة التنور.....
بديرة هلي بالطعم يختلف حتى الماي.....
وحتى الهوى يم هلي يختلف والله اهواي.....
كل ليلة تسوى العمر لو كعدو اهلي وياي.....
ومن ايد امي الصبح محلى استكان الجاي.....
يامنطقتنة حلم ارجع الاصحابي.....
وكل ساعة صاحب يجي ويدك على بابي.....
محتاج محبوبتي الحلوة ام جفن غافي.....
واتمنة هسة تجي وتغفة على جتافي.....
مشتاق للمدرسة والجرس والساحة.....
اطفال نركض ركض بس نشعر براحة.....
اشما دار بية الزمن ابقى الهلي ميال.....
ومنين احصل كلب يتحمل الترحال.....
*****************************************
***تعـــــــــــال***
تعال اصفي البينك وبيني وبعد ارجوك لتحاول تجيني
اذا اطلبك امسامح.كلشي ماريد واذا مطلوب الك جيت ا فك ديني
اذا مرك سهر وسهرت فد يوم انا سهران الك كل عمري وسنيني
واذا مرك دمع وبجيت فد يوم دموعك ردت بيهن تشتريني
جنت قاسي بمحبتك حيل وياي وعلى اصغر مواقف تبجيني
وجنت ملهوف اجيك ودمعتي اتسيل وجنت مرتاح تضحك تلتقيني
تعال وكل طرف يحجي اليريدة ونمحي اثار حبنة ومانعيدة
ماأندم على ماكان رايح انا اخسرتك بس صدك اني رابح
واذا متباهي انك عني صديت صدك باجر مدنك تجيني
*********************************************
***الذنب ذنبي***
الذنب ذنبي اكشفتلك نقطة ضعفي ودليتك عليهن وحدة وحدة
وانا الكادر اظم وكادر اخفي بس ظنيت احنة بروح وحدة
الايد اللي اوجعتني انطيتها لك استفيد بغلطتي وأوجع بشدة
احبك حب جبير وهذا ذنبي واليبحني واحبة بروحي اسعدة
وأنت بأصعب اللحظات اجيتك نكرت وجوهنة وبابك تسدة
حبيبك يبقى الاول لا تجافيه ودموعك لمها لم وابجيها عندة
حبيبك لو لو غلطت وياه راضيه ترجع بالفشل من تهوى بعدة
وين العشرة ذيج ودمعة العين وين احلامنة ووين المودة
ليش اللتحبة وتقسي وياه يجيك امدنك وينطيك خدة
ومن ايشوف ضعفك شوكة يمطيك بدل ميبوسك وينطيك وردة
****************************************
***كل شي ينباع***
كل شي بهل الزمن ينشري وينباع عدا نبض الكلوب ودمعة العين
بأموالك تحصل راحة البال بس ماتنجمع بالمال كلبين
الحب يعني تذوب الروح بالروح الورد ةلا مايورد الا بالطين
الذهب يلمع بريقة ويسحر الناس بس عمرة الذهب مابجة العيون
وحيبيبك من يغب عليك لحظات عقلك ينتهي ويصيبك اجنون
يصب دمعك على الخد مثل الاطفال وتظل تناطر اليرحون ويجون
نملك مال بس اغلى امن الاموال حبايب ساعة الشدة يوافون
رصيد الحب جبير وماخلص فديوم بس كلمة حبيبي اتعادل الكون
*************************
***اخر خبــــــــــر***
سمعت اخر خبر عنك سمعتة كشفت اسرار حبنة وكلشي كلتة
جنث خايف عليهة اسرارنة اتضيع وتطلع مني مو منك انتة
جنت كد ما أهابك تحجي وياي وأحاجيك بدمع ولساني سكتة
فوك الجمر جيتك حافي الاجدام ومن ردت اوصلك بيدك شعلتة
عذولي الجان يحلم يحجي وياي علو صوتة يسمعني ضحكتة
فرحان ابتسم للرايح وجاي ويبشر الناس كلهة بعيني شفتة
ما نادم بس على تعبي وياك يهد الحيل يا تعبي التعبتة
********************************
***عتــــــابــ***
ظل عاتب الى ان تشبع اعتاب عتابك فوك راسي ويبقى مسموع
سكتنة وبطلت كل المواضيع عدا حبك حبيبي شعدنة موضوع
اذا هذا انتة يمي ودمعتي اتسيل اشلون اكدر افارك وجهك اسبوع
وأبقى انضر الي من القدم للراس وشوف بيا جزء مني انتة مزروع
واحزر لي مكانك وين ماوين بهداب الجفن لو بين الدموع
مكانك لا بهاي ولا بهاي مكانك يا حبيبي بنص الاضلوع
************************************
***الابــــــــــــــ***
جنة ازعار نكعد وكت الغرورب اباب الدار ننطر جية ابونة
يرجع مبتسم بس وجهة متعوب ومن ايوشفنة يضحكن اعيونة
يجي امحمل اشكال والوان وتظل اتلوم بيع امنة الحنونة
تعبك هذا تعبك لا يابو فلان تتعب والجهال ايضيعونة
لكن يبتسم ودموعة بالعين ويكل لمي التعب يستاهلونة
هذولة احزام ضهري بساعة الضيج والج بشدة يام فلان عونة
ابونة اعلى جتافة صغار وكبار لعبنة اسنين ماتعبن امتونة
يلبسنة حرير وهو محروم وقميصة امن التعب مكلوب لونة
واذكر لو لعبنة الوالدة اتصيح ابوكم نايم لتفززونة
الحد هاليوم صدك منك انخاف ونجل اسمك يوالدنة ونصونة
يا هنيالة اليسعدك واليرضيك ابرضاك الجنة ندخلها يا ابونة
ابونة بدنيتة مايوم مرتاح الدنية اوياه صعبة ومايملها
تعب جاع وعطش ما دنك راس ولا رخص ركبنتة ومرة ذلها
اصلب رجل بينة بمحنتة ايصير وكل صعبة التمر بيده يحلها
بس اضعف رجل بالعائلة ايصير اذا امي المرض مرة وصلها
امي اشكد تحبة اشكد تداريه امدللها الجبير وهو خلها
بس لو عضب مرة ولمي اندار ترجف خوق من ايباوع الها
ابونة امن المصايب يحمل اشكال ولا يحمل عتب امي وزعلها
عندة المهم يتعب واحنة نرتاح وابد منية اجد ماحملهت
علمنة الولد عون اهله بالضيج ومحبة اهلك ترة اتموت الاجلها
وجيرانك اعز من احتك اصير واغلى من نظر عينك خجلها
يرجع ظهرة منجي وجدمة تعبان وتتلكاه امي ويضحك الها
وكبل مانوصلة وتسلم اعليه الله يساعدج هو يكلها
رقيق وكلبة دافي طبعة محبوب ابونة ايغرك العالم حنانة
مايرتاح كلبة وعيونة متنام اذا منام كل واحد بمكانة
واذا لحظة انتاخر خارج البيت يقلق والدي ويطلع ورانة
وتولمة الوالدة وتردية يرتاح ويكلها ابركبتي ذولة امانة
تجي لحظات يصبح قاسي الاطباع وندري القسوة من حرصة علينة
دنيانة بحر واحنة ابوسط روج سفينة وهو ربان السفينة
يعاقبنة اعلى غلطة ويقسي مرات ولاجنة ابو الروح الحنينة
وبعد لحظات لو منة الزعل راح يجي ندمان ويبوس بدينة
الله موصي بيه باقدس اكتاب بالقران وامي وياه جعلها
يا رضا الله ورضا الوالديم وميزات الابو عونة الحملها
تقي ويخاف ربة بيوم الاحساب ويحمده على اللكمة الاكلها
احتضن امه وابوه اسنين وسنين وجفوفة شمع ضواها كلها
نظل نعلك العشرة الوالدي اشموع مثل ما لهلة كل عمرة شعلها
***************************************
***لا تخــــدعــك ضحــــكــة***
لا تخدعك ضحكة بالوجه الصبوح ولا يغرك ابسلام امن البعد
غربة وتفرحلك اذا اتشوفك جبير والك اقرب ناس كاتلها الحسد
احذر اليمسح اجتافك من يجيك واحذر الصحبة الكثر بيهة العدد
ايصح قريب وامرافكك لكن حقود ويصح بعيد ايصير الك عون وسند
الناس مو كلمن ضحكلك بيه امان وذاك من ذاك يوفيلك وعد
احذر احجايات من طرف اللسان ناعمة وبيها الطعم مثل الشهد
هاي دنيا اتغيرت بيها الوجوه والظباع التفت بجلد الاسد
هاي دنيا ومانفع بيهة الكلام والله يدري اشبيهة يتغير بعد
الحميتة امن الشمس بثنين ايدك ممكن ايعوفك الوحدك بالبرد
والعلى جتافك صعد من يسألوه يبتسم ويكول من جد وجد
والتعلمة الحجي وكل معنى الاصول ابظهرك يذم بيك ويطعنك عمد
والتعملة يصيب عدوانة سهام انت كبل اعداه ايصوبلك اشد
ضاعت الصحبة وعلى الصحبة السلام والزمان الراح لصدك يرد
صدك من كال اليبجي امشي وراه وابد لا تمشي اوية المضحك ابد
***************************************
***البنــــــات***
لا تكولون الذنب ذنب البنات وبالهوى اتكولون ماعدهن وفة
كلوبهن ترفة ورقيقات النساء الله خالقهن حنان وعاطفة
الف هنيالة اليحب طيبة صفات والف هنيالة العلى ايدها غفة
رقة واحساس ووفة وطيبة وجمال وابد ادم ماحمل هاي الصفة
على كيفك وية قوارير الزجاج ولا تخليها بمهب العاصفة
تدري شيحس الكلب لوهن يوم ايمرن كبالك طيور امزلفة
وتدري عينك تفرح وبيهن تشوف لوحة من ربك جميلة مزغرفة
ابيهدة وية حواء مو ذني البنات اجفوفهن لجروحنة بيها الشفة
انت يلي تكول باعتي برخص انتة مو كد الهوى ولا تعرفة
الغزال ارهيف وبسرعة يطيح من تتعبة وفوك حملة انكلفة
الذنب ذنبك انتة للفركة اعتنيت وجان كلب الحلوة بيدك واختفى
هي جانت كمر وبدربك ينور وانت خليت الكمر بيدك طفة
وانت يلي تكول عافتني حرام اسألت روحك ليش لمن عافتك
جان ما بعدت ولا عنك تروح كونك اتحبها مثل ماحبتك
اذكر العشرة وبدايتها الدموع واذكر اجفوف اللي مسحت دمعتك
لا تشهر بالحبايب بالكلام واذكر اشواكك واذكر لهفتك
احفظ السانك ترة باجر تعود الصحبة حوبة ولا تضيع صحبتك
خلي خطة الرجعة ولا تبغض عزيز ايعود للروح العشك مهما اختفى
لا تكولون الذنب ذنب البنات وبالهوى ماعدهن وفة
اتزعل الحلوة الرقيقة بلا ذنوب وتنتظر منها تجيك وتعتنيك
من يكول اللهفة متمر بيهة يوم ومن يكول الحلوة ماتشتاك ليك
الحبيبة الجنت تشتمها ورود لا تخليها الم تصبح عليك
اشتريها بكلمة واصدق بالكلام اتضحي الك بالدنيا كلها وتشتريك
المهرة يهل الهوى من خيالها ماتدنك للضعيف اكبالها
الخسرها ايكول خانتني وبقيت والربح شاطر ويشغل بالها
طيور جنة وتمشي عالكاع البنات واليزعلهن قليل المعرفة
هن النة واحنة الهن للممات ابغير عشه الطير مانام وغفة
لا تكولون الذنب ذنب البنات وبالهوى ماعدهن وفة
كولبهن طيبة ورقيقات النساء الله خالقهن حنان وعاطفة
**************************
****النــــــــســاء****
الله لــمن خلـــــق ادم كـــان بالجـــنة بنعيــــم
ومــن خلق من بعــدة حوا بدت ساعات الجحيم
وبســبب تفاحـــــة منها ضـــاع دربة المستقيم
الذنــــوب البيــــنة كلــهن سببـــــهن الحـــريم
هـاي السمرة وهاي البيضة وهاي البحبها هنيم
الدنيا لوما النساء بيها اتصير صعبة وكلها ظيم
اذنـــــوب نتحـمل لجلهن بالجديد و بالقديــــــم
النســــاء بـــالدنيا جنــة وبـــالممات الله كريم
************************************
****كابلينــــــــي****
كابليني امكابل وخليني اشوفـــج كبل ما درب العشــك بجدامي ادوســـة
ولا تضنيني غشيم وجاي احبـــج اني خريج الهـــوى وهاضم دروســــة
الخد شعـاع اينور طولج خيزرانة والوجه ساحر واحلى من العروســــة
كربي ايدج كربي خدج على خدي وخلي نكـــرب بعد ونسويها هوســـــة
كلت يا ربعي اني محتاج حاجة واجوا ربعي اجوا كل واحد جايب فلوسة
كلت يا هل ناس مامحتاج شي اني من هذا الوجه محتاج بوســــــــــــــة
************************************23
****كلـــــهــن ،،،ـــوى****
كالولي كلهن سوى كلت البنات اشكال
بيهن البيض والسمر بيهن اكصار اطوال
بيهن شعرهن سحر بيهن التلبس الشال
ولو كلهن تشابهن محد للاخر مال
ـــــــــــــــــــــــــــــــــــــــــــــــ
كالولي كلهن سوى ميوافن المحبوب
كلت البشر مو سوى ولا مو سوى الكلوب
كالولي حبهن ذنب منهن ارتاح وتوب
كلت العشك لو ذنب خلوني ازيد اذنوب
ــــــــــــــــــــــــــــــــــــــــــــــــ
لوما الحب بالعمر ماخلق ربك ناس
ولاصار عدنة فرح ولاصار عدنة احساس
العمر نفس العمر لا نقص مرة وزاد
ولو ما بنات وعشكـ هالعمر ماينراد
*************************************
***الورد***
اتعنيت لهل الورد ردت اشتري وردة
صادفني اسمر حلو اتبسملي واتعدة
اشتميت ريحة عطر تسوى الف وردة
ثاريها مو بالوردة ثاريها من خدة
الورد يذبل ترة اشماطالت المدة
بس الحلو اشما كبر مثل الطفل بعدة
يلي تبيع الوردة هاك الورد ردة
وفلوسي خذهن الك وظم وردك وشدة
ومادام شفنة الحلو اشنشتم عطر بعدة
عزل وذب الورد حتى المحل سدة
***********************************
الغربـــــة**
..........................ناديت من الغـــرب محد ســـمع صوتــــــي
لابـــوي لا صحبتـــي لا امي لاخوتــــي.............................
..........................بالغربة احس مختنك ارد ابجي واصرخ حيل
ومرات احس انتهت روحي وقرب موتي............................
...........................اني وجنطتــــي ارحل ودمعــة بعيـــــــوني
لا اخو منـــي جزع لا اهلـــي ملونــــي.............................
............................عـفت الدلال ورحت للغـربة نص الليـــــل
ودكيــــت باب الغــرب والمايعرفونـــي.............................
...................................المايـــــعرفــ ــــــــــك مايـــثمنكـــ
والمامجربــــــــــــك مايامنـــــــــــــك..............................
درت الشوارع مشي والحيرة بقدامي
وضنــي بهذا المشي تتحقق احلامــي
......................ثـــــاري الشـــــوارع ماهـــي النـــــة
ووجـــــوه ما هــــي وجـــوه اهلنـــــــة...................
......................اشجابنـــــي للغرب ليش اتركت بيتــي
ياقيمتـــــي عد هلــي ياسمعتـي وصيتــي..................
......................اني الجـنت للظهر متـــهني ابنومـــــي
واحتار وكت العصر شلبس امن اهدومي
......................راسلت مرة اهلي وردت انطي عنواني
وبالغــــربة ابن من انا ويابيت يرضانـي...................
...................... ياروحــي من هم هلي وشكد رقم بيتــي
ومن اجي تعبان انا ياهــــو يتلــــكانـــي....................
صح البشر بالغرب تحجي ويفهمونك
تكـــعد تروح وتجي بس مايقيـــمونك
.......................انت مجرد شخص متغرب ورحال
عفـــت اهلك وديرتك وتخضعت للمـــــال.........
......................لـحظة بعدما اظل بين الغرب شلي
وأســلم على ما بقى من قيمتي احســـنلي............
.....................خزن بعيني الدمع يم الغرب مبجيت
وارد ابجي مثل الطفل يم باب بيت اهلي.............
***********************************
2024-11-18, 9:51 am من طرف شروق محمد
