دراميات عراقية

موضوع: دراميات عراقية 2010-10-05, 9:12 pm

محبتك بالگلب كومة .. ومنك ما تجيني النومة

ـ
أحنه بالحب مدفعية .. وبالرسايل قاذفات
صدگني لو يخلص رصيدي نشتغل بالهاونات
ـ
أحبك كثر سكان الصين
وعدد قواطي البيبسي بالدكاكين
وأزمة الگاز والبنزين
ـ
إرهابي ليش صاير مو أنت حباب
فجرت گلبي شبيك سويته عطاب
ـ
هواي من البشر حلوين .. بس أنت لك ميزة
تدخل للگلب تهريب ما يحتاجلك فيزة
ـ
هم قصف هم قناص هم مدفعية
هم شوفة الغاليين حسرة علية ؟
ـ
كون أنگلب قانون وأحكم حكم عام
وأحكم على الينسون كلهم بالإعدام
ـ
لا غاز ولا گاز ولا رؤية الاعزاز
لا ماء ولا كهرباء ولا رؤية الاقرباء
لا تموين ولا بنزين ولا رسائل من الحلوين
ـ
أخطب شلع بالناس والساحة تشهد
وأعلن حظر تجوال لو غثك أحد
ـ
سلام ميسلمون ، سؤال ما يسألون ، رسالة ميدزون
راح أفخخ روحي بلكي بالفاتحة يجون
ـ
أحبك حب عجيب .. حب إرهابي بس شغله مو تخريب
وما يفرقني عنك حتى لواء الذيب
ـ
من گلبي أجر أسلاك حتى أتصل بيك
فدوة الرصيد يروح بس كون أحاچيك
ـ
لا آلو .. لا ترميش .. لا منك أخبار
ردنه خمس سنتات .. ما ردنا دولار
ـ
مجبور أدك أرقام تجبرني إيدي
دم گلبي أخلصه عليك مو بس رصيدي
ـ
أرسلك ألف بوسة .. بوسة تغار من بوسة
وأرسلك حنين وشوق يسوون الگلب هوسة
ـ
أنت النفس والروح ومن جسمي قطعة
والقلب لو ينساك من صدري اشلعه

ومن تجي منك رنة أحس روحي بالجنة
يرحون فدوة لعيونك أكراد وشيعة وسنة
ـ
أحبك حب ما ينكتب وصفه
أو عليك الگلب مثل الذهب وصفة
عليمن يكتب الدكتور وصفه
إذا عينك والشفايف صيدلية
ـ
أموت حسرة وقهر لو انت تنساني
وأرضى أعيش بسجن لو أنت سجاني
ـ
عن حبي إذا سألوك لا تنطي تفسير
سر مثل دم كليب وي سالم الزير
ـ
اذا تنسون ما ننسه .. أنتم للگلب شمسه
ياريت الدرب خطوات نجي ونشوفكم هسه
ـ
لا تضن يوم أنساك يلتسوه كل شي
تسوه العدل والمات والتوه يمشي
ـ
خيط وخرز ضليت سبحة آنة بيدك
مو صوچي ، صوچ الروح هي التريدك
ـ
مخبل وأحبك موت حب يهدم الحيل
عاد انت شوف شلون حب المخابيل
ـ
فهمني يالمحبوب موقف حضرتك
بالگلب كاعد ليش قابل غرفتك ؟
ـ
أحبك والنبي المرسل .. أموت عليك والزهرة
مثل حبي فلا موجود من دهوك للبصرة
ـ
أسأل عليك شصار ما راسلتني
سنتاتك مخلصات لو زاعلتني ؟
ـ
كلك ذهب يا ذهب .. مابيك ذرة تراب
والصادقك ما خسر لا وحگـ داحي الباب
ـ
هاك الگلب والروح وعيوني أخذهن
دوم الك مشتاقات خلصني منهن
ـ
نسيانك شبيه الموت وذكرك في وسط جنة
حبك بالگلب منحوت أموت بقربك أتمنى
ـ
والحجر وأهل البيت والكافل أخته
والله من أعد أحبابي أولهم انت
ـ
تسلم يا بعد الروح يسلم لسانك
بين الگلب والروح صاير مكانك
ـ
من أغمض أحلم بيك .. ومن أزعل احن عليك
ومن اصفن افكر بيك .. والكعبة أموت عليك
ـ
لو راح عطر الورد عطرك يضل يفوح
شما طال بينا البعد ساكن تضل بالروح
ـ
ذبحني الشوگ يا روحي وأحس الروح محتارة
تمنيت الگلب يمك تطفي بشوفتك ناره
ـ
ابقى على حبك دوم لمن أموتن
وخل يكتب الدفان قبر المسودن
ـ
معذبتني هاي الروح بس تسأل عليك
أتمنى عندي جناح كل ساعة أمر بيك
ـ
تدري شوكت أنساك وبخاطري تهون ؟
من تلگه أسمي هناك بالنجف مدفون
ـ
شگد أخاف عليك وشگد أهم بيك
حزب الله لو يرضون نصر الله اسميك
ـ
أدعي الله والعباس سالم يخليك
تنساني لا ما اريد بس هاي اوصيك
* * * * * * *

موضوع: رد: دراميات عراقية 2010-10-05, 10:11 pm

تسلم اخوية الغالي ع الموضوع المميز

موضوع: رد: دراميات عراقية 2010-10-06, 9:30 am

كلماتك كانت اروع واجمل
وقفت لها حروفي اجلالا
تنورت بحروفك شكرا لجميل مرورك
تحياتي لك سباي

موضوع: رد: دراميات عراقية 2010-12-22, 5:36 pm

مشكور

موضوع: رد: دراميات عراقية 2011-01-01, 11:37 am

يدللوا عيوني هلا بيك

موضوع: رد: دراميات عراقية 2011-01-01, 12:47 pm

حلووو حلوو

شكرا حسين

موضوع: رد: دراميات عراقية 2011-01-05, 9:10 am

منور عيوني

موضوع: رد: دراميات عراقية 2011-01-05, 9:29 pm

كووووووووووووووولش حلو
تسلم قلبي

موضوع: رد: دراميات عراقية 2011-01-07, 11:07 am

منور عيوني ع لرد

موضوع: رد: دراميات عراقية 2011-01-07, 12:51 pm

كلام يخبل حبحب تدلل

موضوع: رد: دراميات عراقية 2011-01-09, 10:01 am

تدلل عيوني منور لقسم

موضوع: رد: دراميات عراقية 2011-07-25, 3:13 pm

جميل جدا عاشت الايادي

زائر

يسلمووو

موضوع: رد: دراميات عراقية 2011-08-03, 4:05 pm

شكرا ع لرد عيوني وسام

شكرا مختار

» دراميات حزينة
» دراميات جميلة جدا
» دراميات منوعة
» مكيبة دراميات خنفشارية لحك(خمسة بربع)
» ابوذيات عراقية