يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
عشرتك صدك روحي ما تملهة
وكلبي ايام سعدك مات املهة
اريد انصب لروحي ماتم الهة
واشوفك هم تجي وتبجي علية
جفن هالعين من فركاك كوطر
واخذ كلبي العكل وياه كوطر
تعال ارجعلي شوف شلون كوطر
خلافك كل جزء مني بزويه
جيت انشد ليالي هواج عتاب
واغني بونة من الروح عتاب
يصيح الكلب ويه غناي عتاب
احبنج واظل حد المنيه
صدك راح اعذبنك وهملك
وبعد مااركض الجيتك وهملك
بعد ميفيدك انحيبك وهملك
لان حبك دغش كلة رديه
عشكتة ورفضوا اهلي شيعوني
وعلى قبلة يهودي شيعوني
صفت بس الجكارة شي يعوني
على حب الشعر والابجديه
الف رحمة اعلة والدهم سموكة
والف لعنة اعلة طاريهم سموكة
اورث الروح من اجلك سموكة
والفنهة جمر نركيلة هيه
تهذبنا بهواكم وانتهينه
وادور هناك عنك وانت هينه
الكلب بيدك يغالي وانت هينه
تهين وتأمر وتنهي عليه
يفز كلبي لوليفي وافر بي
اشبكَة ومن فرحتي اركص وافربي
اذا شتا وجو بارد ووفر بي
احس تموز حضنه يصير اليه
وسفه الوكت عنك لهانه
واذا حبك حبر هايج له انه
صرت ملفوف جني لهانه
شفتك والخجل بين عليه
غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــه
................................
يارب تعجبكم
2024-11-18, 9:51 am من طرف شروق محمد
