حسبالي
كال انت كلبك جلد كتله انه احس بالي
كال انت ليش زعلت؟ كتله انه احس بالي
كال انت فاهم غلط كتله انه حسبالي
كال انه احبك اظل كتله البخت حالك
كال انه ابيض كلب كتله البخت حالك
كال انه يمك نمت كتله البخت حالك
كال انت متمسسني كتله انت صاير شمس
كال انت امس شو تمس؟ كتله انت صاير شمس
كال انت صاير حلو كتله انت صاير شمس
كال انه شمعه وضوت كتله انه لوحه وطفت
كال انه حضرة عشك كتله انه لوحه وطفت
كال انه بحر الغزل كتله انه لوحه وطفت
كال انت رايد منو؟ كتله انه اريدك بألم
كال انه ماتوا هلي كتله انه اريدك بلا ام
كال انت وكتك بحر كتله انه اريدك بلم
كال انت عمرك حزن كتله انت متعافي
كال انت جسمك ضعف كتله انت متعافي
كال انت منغرر علي كتله انت متعافي
كال انه احس مبتلي كتله انه احس بــــــــالي
يا حبيبي ماكو وفه
صاير سليتي الوكت واعرف منو سلته
بساط حكنه الفرح بجفوفه اجه سلته
شو سيفنه جفوفنه لركابنه سلته
شايف مثلنه بشر هموم الوكت سلته
صح احنه مثل السعف بس اللسن سلته
سنين انتظرنه العنب سل العمر سلته
لا من اجانه العنب لا من اجت سلته
كــل الشـرايع الـچ مـفـتوحـه يلـه اوردي
ولـو چــان ماكــفتـچ اسـگيـچ مـن اوردي
ما بيـچ بـايع وطـن .. لا بيـچ خـان اوردي
بـغداد اهلـچ زلــم كلهم شهـامه وجــــود
علجرح دوسي إنهضي للدنيه إثبتي اوجود
منهل حضـارة يشـع .. اسمچ عله الوجـود
وجنـاس شعبچ غدت .. بسـتان من اوردي
******
نهـران دمـنه يـصـب محـد عـلينه ســال
والگاع منه ارتوت يجري ابغزاره وسال
لا ولد عــم انـتخوا ولا سيـف واحد سـال
يتفرجون اصبحوا وانباگ وسفه الوطن
وهامات ولـدك ابـد .. للاجـنبي ما وطـن
يا حيف أخذنه العصف وبليل دوه وطن
المات بينه مات ... والناجي ابقهره سال
******
إشـحده اليمـس تربتك شحـده الذي يـدنته
إدروع كــلنه الـك وحده اصـبحـت يــدنـه
وانعيد ماضي الزمن وگفات من يدنه (جدنه)
من (بالرميثة) شـچـخ ابگلــب العـدو فاله
مگـواره مـا فارگــه .... فال النصر فاله
بـحبـال جـدمه عـگـر .. ابدن فلا فــالــه
حـالف يبيد العـدو ... ابروحه لون يـدنه
واتمنى ان ينال اعجابكم لان هاي اول مشاركه
2024-11-03, 12:31 pm من طرف شروق محمد
