عندي حالة غريبة وما اعتقد صايرة بواحد

السلام عليكم

عندي حالة كلش غريبة وهي البرووووود القاتل يعني بارد بارد حتة شكد مبارد كلبي مجيم واذا اظل فد شهرين بعد على هاي الحالة حتى عقلي يجيم .
والمشكلة الثانية انه ما اكدر احب اي امراة يعني احس الحب بعيد عني مع العلم اني اتمنى احب واعرف بنات بس من احجي ويا اي وحدة منهن مثل مدا احجي ويا صديقي علوان .
مع العلم ايضا انه اني شاعر وجماعتي كلهم يجوني ويسئلوني شلون يحجون ويا حبيباتهم واني اعلمهم وماعندي وحدة احبها ظال وحدي مثل النعجة التايهة .
اما المشكلة الثالثة فهي انه ما انصدم ابد يعني ذاك اليوم اتوفوا اثنين من اعز اصدقائي واني فعلا احبهم بس الي اجا كلي محرك شعراية مني ودائما تصير انفجارات قريبة علية كلش وابسط شي البارحة طكت عبوة يمنا ظليت صافن عليها والناس الي ابعد تتراكظ واني اكول شبيهم عليمن هالخبصة يعني بارد بارد .
شوفولي حل شلون اصعد الحماوة مالتي بس مو تكولولي بدل الجوزة لو طفي المروحة .

تدري قصتك غريبه
والله يجوز من الشركة انته هيچ
هذا الحل مالك بيدك نات تقاوم هذا البرود
وتتحرك يعني تحارب نفسك

احسدك عالبرود البيك احسدك ثلج الدنيا كلة يجي بعدك مايحترك دمك اي شي ما يهمك والايام كلهة سوة عندك هههههههههههه سامع هاي الاغنية؟؟

والله ماعرف شكلك صدك سالفة غريبة بس بالنسبة للأنفجارات ترة اني هم هيجي هههههه كلما يصير انفجار مرات يم المدرسة صديقاتي يبجون ويتراكضون واني خربانة ضحك ليش متدري هذا مالة علاقة بالبرود قابل هوة فد شي صار شتسوي تكعد تدك وتلطم؟؟

وبالنسبة لأصدقائك الماتو فعلا هاي سالفة غريبة يعني مستحيل منقهرت عليهم
وبالنسبة للحب احتمال انت اصلا مدتحب من صدك ولهذا مدتحجي وية البنية وتصبغ بيهة ههههه

بس فعلا انت عندك نوع من البرود حاول تتخلص عليه مثل مكال حشاش كوكائين

مشكور وتقبل ردي

المشكله الاولى البرود تره صفه حلوه هذا دليل على رزانتك وعقلك اني ياريت والناس راح تحترمك اكثر واكثر بس طبعا كلشي زاد عن حده كلب ضده لازم تحاول تقلل من البرود الي انته بيه

المشكله الثانيه انو انته متحب اي امراة

السبب هو انته ما لكيت امراة كامله مكمله وبالمواصفات الي تريها

يعني خومو اي بنيه تحبها

وصدكني هسه يجي يوم من الايام تحب

انا المشكله الثالثه فهي فعلا غريبه او يجوز انته رضيت بالواقع ومتحب تأذي نفسك

بس طبعا مو حلو البرود الاكثر من الازم

حاول تقلل منه
اني هذا راي

» عندما تكون مهموم وتواجه حالة معينة ماذا تفعل
» الى اعز بلد عندي
» عندي مشكله
» صور من طبيعة شمالنا الحبيب
» زهيري تدرني عندي كلب