ذكريات عاشق...محمد رحيمة الطائي

السلام عليكم ورحمة الله وبركاته

شلونكم حبايبي الحشاشين والحشاشات الاحياء منكم والاموات

اول شي احب اباركلكم بمناسبة السنة الهجرية الجديدة... اعادها الله علينا وعليكم بالخير والصحة والعافية على جميع العراقيين ...

حبايبي.... اليوم جبتلكم قصيدة حلوة من موقع الفنان الكبير الشاعر .. محمد رحيمة الطائي..

القصيدة بعنوان: ذكريات عاشق

طبعا هاي القصيدة احدى قصائد ديوان: غزل العشاق بعد منتصف الليل

اسف على المقدمة الطويلة المملة ها.... ميخالف تحملوني لان هاي اول مرة اكتب موضوع بمنتدى الشعر الشعبي واني اليوم خطار عليكم

يلا اترككم وية القصيدة حبايبي...اتمنى تنال اعجابكم..

ذكريات عاشق

هو / تتذكرين ..؟
چنه اصغار ..
چنت اتمنى اشوفچ ..
واحچي مره وياچ ..
وجنت ابچي ويه روحي ..
من اسمع ابطرواچ ..
وجنت گوه اصبر الروح ..
چنت خايف اكلچ ..
مره آنه اهواچ ..

هي / وليش تخاف ..؟

هو / مدري اشبيه ..
اخاف وارتبك .. واحتار
لو يجمعني دربي .. وبالصدف الگاچ ..
روحي اتروح كلها وياچ ..
عقلي يروح كله وياچ ..
اتعثر ابدربي ..
من انظر لممشاچ ..

هي / وآنه ابمستحى ..
وچنت ادري كلش زين ..
اباوع ارتباكك ..
وانظر لممشاك ..
بس شتريد اگلك .. يعني ما معقول ..
احس عيب من اگلك ..
هالگلب يهواك ..
ظليت ابسكوتي ..
وانتظر يايوم .. تجمعني الليالي ..
واحچي آنه وياك ..

هو / تتذكرين ..؟
چنت اجمع حروفي ابكل رسالة شوگ ..
واكتبلچ غزل ..
ما كاتبه لانسان ..
واحتار الگلوب ارسمها مدري اشلون ..
يا گلب الارسمه .. من العشگ خلصان ..
وتتذكرين ...........؟؟

هي/ .... اي طبعا حبيبي ..
اشلون انسى الصار ..
وآنه وذكرياتي ..
امخاصمه النسيان ..

هو / تتذكرين ..؟
بايام امتحاني وچنت افكر بيچ ..
ردت انساچ لحظة ..
منفتح الدفتر ..
لاموني اصدقائي ..
وردت اصبر الروح ..
وبحبچ ضعيفه الروح ما تگدر ..
وتتذكرين ......؟؟

هي / اي يحبيّبي اتذكر …..
مشه بينه العمر ..
واحنه ابحلاة النوم ..
شبسرعة كبرنه ..
ومشت حفنه اسنين ..
احس البارحه ..
من شفتك اول يوم ..
مشت بينا الليالي ..
وكلشي ممحسبين ..
لا حسبت بيه ..
ولانه احسب بيك ..
شوف الشيب اخذنا .. شننتظر بعدين ..؟

هو / لتخافين ..
خليچ ابهواچ ..
العمر بعده ازغير ..
ومو أول بشر بالقافلة مشيبين ..

[ندعوك للتسجيل في المنتدى أو التعريف بنفسك لمعاينة هذه الصورة]

مشكور

» ذكريات عاشق
» عرفتك للشاعر المبدع محمد رحيمه الطائي
» محاورة الابوذيه بين الشاعر محمد رحيمه الطائي مع عطارد عبد ال
» مخاطبه بين الحبيب والحبيبه للشاعر محمد رحيمه الطائي
» (سألتها) مع تحيات سيف الطائي