عرفتك للشاعر المبدع محمد رحيمه الطائي

عرفتك ..
لاتحاول تخفي الاشواگ ..
صدگني آنه من شفتك ..
عرفتك
مشكلتك ، اعيونك
تحچي الاسرار ..
عرفت اللي بگلبك ..
من نظرتك ..!
محتار انت بيني ..
وبين دنياك ..
قسمتك هاي ..
شنسوي لقسمتك
اذا رايد اعوفك ..
گلي وارتاح
واحچي الچان مضموم ابجعبتك
بس ..
علمني اكرهك ..
حتى انساك ..
وشيل شباقي بگليبي
لمحبتك ..!
تگدر ..؟!
ماأظن تگدر يمحبوب
لأن حبك مبين ..
من ضحكتك ..
واذا گتلي اعوفك ..
عوفني وروح ..
اغلس ...!!
چني اطرش ماسمعتك
على عنادك احبك ..
واني مغرور ..
من حقي أنه انغر بصحبتك ..

مشكور على القصيدة الجميلة ولا تحرمنة من جديدك

مشكور عله ذوقك الراقي

مشكورين وتعيشون عمر النسر

» مخاطبه بين الحبيب والحبيبه للشاعر محمد رحيمه الطائي
» محاورة الابوذيه بين الشاعر محمد رحيمه الطائي مع عطارد عبد ال
» قصيده للشاعر المبدع رياض الوادي
» قصيده ضايجه للشاعر المبدع عريان السيد خلف فوت ومتخسر
» ذكريات عاشق...محمد رحيمة الطائي