تحيه للرائع كاظم اسماعيل الكاطع

الشاعر العراقي
كاظم اسماعيل الكاطع
شاعر يحلم بوطن آمن

مــد وجــزر

يلجاي تطلب صلح
من بعد سبع سنين
ماتن ليالي الهوة
وشيرجع الميتين
ما بعد عندي ورد
وافرشلك الصوبين
ولا بالمدامع دمع
وابجيه الك وكتين
خايب فلمنة احترك
ما ينفع التلوين

يا من جبينك سمه
وحدر السما اهلالين
والعين موجة بحر
والحيرة بالجرفين
بس حيف وانت الحلو
بالعشرة الك وجهين
بعيوني اشوفك جنت
لاجن أجذب العين
واكول هذا حلم
يتفسر اعلى العكس
باعراف المفسرين
شو زاد بيدك حبل
صارن ثلاثة وانا
الما راضي عنك كبل
جي تلعب بحبلين
يامن على مذبحك
لجلك نحرت سنين
وانه بطرك ليمته ؟؟
وانت بطرك ليمته
رد يا اله التعب
خلينه مرتاحين

توني جبرت الضلع
واعرفت علتك وين ؟
عالصحه
انته مضر
اكثر من التدخين
كافي نصم الصدكـ
ونجاوب مجذبين
ونكول عنك زين
صح انته
كلش حلو
بس موش
كلش زين
من ديوان

» تحيه حب....من عاشق......منسسسسي...
» اهداء الى شعراء العراق المبدعين عامة وخاصة الشاعر اسماعيل الراوي والشاعر خا
» ابوذيه اغنيه كاظم
» جرب حظني ... الشاعر كاظم العراقي
» قصيدة أتحبني التي غناها كاظم الساهر