اهداء الى شعراء العراق المبدعين عامة وخاصة الشاعر اسماعيل الراوي والشاعر خا

عفية شاعر سيف مو كلمات شاهر
نظرة اعيونة ابالف ديوان شاعر
ورهفة احساسه تهز كل المشاعر

عفية شاعر

ابرفعت ايدة عالمنصة حطم امال
الغزات
ابكبريائة رسم معنى للحياة
فارس ابن الوطن عندة اروع
صفاة
عالتحدي دوم كادر

عفية شاعر

كال كلمة ابكل حرف بيه قصيدة
غازل المحبوب بيه----ومسح دمعة طفل بيه-----ورفع اسم الوطن بيه
وانحنه الام الشهيد وباس اديه
احساسه مثل السيل هادر

عفية شاعر

هلهلتله ام الشهيد----وصار عند الوطن عيد--
وغنت الشدة علحروفة نشيد
ومالت ويه الحان قافيتة
السنابل-----بالبيادر

عفية شاعر

فتحة ضمة شدة كسرة----ونقطة الضاد الهه معنة
الفتحة تعني---فاتحين اكلوبنة الكلمن يحب
الضمة تعني--اعراقنة مضموم اسمة ابكل كلب
الكسرة تعني--ابد ماينكسر صامد هل الشعب
ارواحنة للوطن نجعله سواتر

عفية شاعر

رادوا ايكطعون من ايده الاوراق
تمنوا ايقنعوا ايهيم من العراق
حاولوا يغروا بسمات --وهتافات النفاق
لكن ابحبة البلادة ضل يفاخر

عفية شاعر

والغريب ابهل القصيدة ايقسموهه -وتنلحم
والعجيب ابهل الاوراق ايمزكوهه-وتجري دم
غاضت اعيون الذئاب--وبجت اعيون الاوادم
وهوه رغم -الجور-والالام- والعدوان-صابر

عفية شاعر