شعر لام عراقية فقدت ابنهااااااا

:]]: آنه الوالدة وجور الوكت ذبني

آنه الوالدة وجور الوكت ذبني وأحس الروح راحت من رحت يبني
‏*** ‏
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
‏*** ‏
تكبر والأمل يبني كبر وياك لدارك من تطبها بلهفة أتلقاك ‏
تصد عيني إعلى طولك والكبد يرعاك ماأدري تروح وتنفقد مني
‏*** ‏
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني‏
‏*** ‏
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
‏*** ‏
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
‏*** ‏
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
‏*** ‏
من بعدك أقضي بالحزن يومي يجيني الليل وأتوسد على همومي‏
كل لحظة أفز مرعوبة من نومي جنك مامتت آنه المتت جني
‏*** ‏
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
الشعر منقول
انشاء الله يعجبكم

حلو شعر يخبل ويقهر حيل والله وان شاء الله يحفظ كل ولد لامه

ان شاء الله ويرجع كل مخطوف الاهلة

لك هاي شنو عيوووني
يخبل الشعر تسسسسسسسسلم

حلو الشعر مشكور
الله يحفظ كل ولد لامة وكل ام واب لاولادهم

مشكووور عاشت ايدچ وذوقچ

شــــــــــــــــــــكـــــــــــــــراً

مشكور يسلموووووووو

مشكورة حلو مواضيعج

شكرا على الشعر الجميل اتمنى لكل شخص ان يقدر هذا الشي باتجاه الوالدة والوالد

» ماذا تفعل اذا فقدت من تحب
» دارميات عراقية
» ابوذيات عراقية
» جراح قلب ام عراقية
» دراميات عراقية