اختي رجعت عينها امورمة من البجي

هذا الموضوع نزلته على منتدى القلم الحر قبل مدة

بس شفت انو مكانه هنا فرجعت حطيته
خصوصا انو اني كولش تفاعلت وياه:خطيه تحب:

هلو شباب (يعني مو صبايا)
صارت وياية سالفة
طبعا اني ما انزل مواضيع بس بسبب هاي القصة قررت اكسر قانوني وانزل موضوع
(هسة عاد هو هم قانون نيوتن للجاذبية)
:70bff581:
على العموم
اختي عمرها 17 سنة وعدها صديقة وياها من الابتدائية وتموت عليها ورادت تروح قبل متبدي المدارس لأن جانت باعطلة ملتهية بالدروس الخصوصية وهلسنة سادس وتعرفون يعني
المهم هاي صاحبتها بيتها بالسيدية وهنا تكمن الكارثة بابا مجان ديقبل
ومع الحاح متواصل بابا قبل هو يوديها (طبعا مو اني اوديها اني ماخذ اجازة من الدنيا)
كولو راحت ورجعت البونية
اشو هاي من رجعت
رجعتلنا عينها امورمة والخشم دعبلة حمرة والخدود كلها دموعات
يابة شبيج؟؟؟؟؟
معليك انت بية (جوابها المفضل كل ما اكلها انت شبيج)
دأحجي حبيبي اني مو اخوج؟؟؟
لا (جرحت مشاعري)
عاد اني هم مكذبت خبر كمت وخابرت الحجي حتى أسأله (طبعا مو خوفا على اختي وانما الفضول كام يحك بجلدي)
الو هلو بابا
هلة خير؟؟؟
بابا شبيها بنتك دتعوي من جتي لحد هسة؟؟؟
(وطبعا الوالد ميصدك يرزلني) ليش هي هاي بنتي مو نفسها اختك؟؟؟
لتزعل يمعود انت واختي على راسي
(واخيرا نطقها للدرة)
اختك من جانت دتطلع من بيت صديقتها ودتسلم عليها بالكراج اختك كالت لصديقتها عود تعاليلنا ذيجة كالتلها ماشي تدللين اختك كالتلها راح اشتاقلج وصديقتها كالت روحي ترة ابوج بالباب لتروحين تترزلين (دتلاحضون اعزائي القراء حتى صديقة اختي تعرف ابوية هوايته الرزالة) فأختك انقهرت لأن جاوبتها هيج جواب
بس؟؟؟
اي بس شتريد يعني؟؟؟ اختك حساسة

عاد اني كمت ورحت على اختي
كلتلها لأختي راح اشتاقلج
اشوهاي كام تبجي من جدة وجديد
كلتلها بابا دبطلي شنو هلرومانسية الي انت بيها؟ خليج قوية، واذا كالت هيجي يعني متحبج مو انتو من زمان صديقات يعني جرعتج كل هلسنين وهي متحبج؟؟؟
اشو هاي رشقتني بفد نظرة اني كلت سترك ربي هاي راح تهجم
جان تكولي هاي صديقتي اعزها بكد ما اعز اهلي (طبعا اني محاسبتني من ضمن اهلها فمكالت بكد ما اعزكم، الله ليعوزني عيني) يعني تصور روحك دتكول لأعز انسان عندك انو انت راح تشتاقله ويجاوبك جواب بارد مثل جوابها، حط نفسك ابمكاني، شراح تحس؟
بيني وبينكم ياجماعة (اذا علنت ودأكول بيني وبينكم لعد الفضيحة شلون؟) صدك انفر راسي
ترة صدك شغلة تقهر
هسة كولولي لو انتو جنتو بموقف خيتي جان انقهرتو؟؟؟
اني بالنسبة الي فد مرة :4519626a:

والله يا اخويه ليش

هاي عائلتك واختك

ولازم تكون كذا زعل بين الاخوان

اتمنى متاخذ الموضوع بالحساسيه الزايده

واتمنى تغض سالفه الزعل عن عائلتك

واني وياك هم غلطانين بحقك بس انت الولد

والولد ميعامل كالفتاه

تذكر كلماتي

واتمنى تقبل رأيي

شكرررررررررررا الك

اكيدددددددددددد اقبل هو اني شكو امنزل الموضوع غير حتى اسمع اراكم

وشكرا على المرور الحلو
بس ترة انت مفتهم غلط ترة اني اموت على اهل واختي وحتى بابا اموت عليه من يرزلني واختي اني الي طلعت عينها ودلعتها لأن اختي الجبيرة جانت اموتتني لو اعطس تكولي استحي على نفسك صرنا بالقرن الواحد والعشرين وانت بعدك تعطس بس تزوجت وخلصت منها

والله اختك حساسة وحقهة يعني بصراحة كل البنات حساسات هيجي ويجوز هي لحظة عصبية وكلتلك اعزهة بكدما اعز اهلي يعني ما اتصور هي قاصدتهة

خلي تولي
طبعا متقصدها والله لو تقصدها احير شسوي بيها
ورة كل هلحب الي احبلهياه تالي متعزني
اي عيني انتو كلكم كزز
بس اني هم لو جنت بموقفها جان صرت كزة وانقهرت لأن الموضوع صدك يقهر

هههه هاي شنو طلعت انت حساس اكثر من اختك بس والله اختك حقها تنقهر من صديقتها لان اني لوبمكانها هم نفس الشي

شكرا على المرور بزونة
والله ذكرتيني هاي اختي من جانت صغيرة تصيح البزونة بشية
هاي هي عدتني اني والبيت كله فتحنا بلوتوث وحولتلنا حساسية هع هع هع

زائر

ختية حياتي (اختك)

يا الله كولكم متعاطفين وياها
لعد لو شايفيها؟؟؟ شلون الدمعة تنزل بحركة تكولون يتيمة
شكرن كول جيرل على المرور

عادي اتصير بأحسن العوائل

والموضوع روووعه عشت ياورد
وهما بنات هل وكت هيجي من الحبايه يسوون كبـــــايه

شكرن حمود الورد على المرور
هاي زين
والله خيتي عدها دكايك اموتتني بيها
اذا شوية اصير عصبي رأسا الدمعة تطفر وتسويها مسلسل مدبلج وتكولي كولشي اتصورت بس انو انت تصير عصبي علية هاي لا مستحيل ودك بجي
بحيث ابقى صافن عليها واكول لا حول ولا قوة الا بالله

ليوثي اختك حساسة زايد وانت اكثر منها انت الي لازم تقوي قلبك هسة انت فد نوب مسويها تلش تلش لازم تكون قوي كدام اختك وبدل متحي وياها تحضنها وتحسسة صدوك مشتاق فعل وقول ها شنو رايك هسة تروح تحضنها وتمسح دمعتها

اكيد راح احضنها
مو علمود شي بس هي دائما تخاف وتجي تنام يمي كل يوم وتحجيلي شيصير وياها وثاني يوم اصبح هي زعلانة لأن اني نمت وهي دتحجي مع العلم هي متسكت
لو تعرفين اشسوت بحالنا بالحرب؟؟ شعوطتني بس ناقصها تكعد ابجيبي

خخخخخخخخخخخخ

ختية

الله ليحرمكم من بعض

انتي لوتعرفين اشكد اتجرجر مني الغطة بنص الليالي وانزل جيبلي مي واكعد اني خايفة جان مدعيتي هاي الدعوة دنوووووو بس يلا هم محسوبة علية شسوي (جذب والله اتخبل عليها)
كااااااااااااااااااافي ترة ما امل من الحجي بيها امطيرتلي عقلي

الله يخليكم لبعض ياربي..واختك حساسة يجوز صديقتها ماتقصد مرات تطلع حجاية من شخص تحبة بس طلعت منة بدون قصد
تحياتي

مشكوووووووووووووورة اسورة على المرور بس شيفهم حجي احمد اغى (خيتي)

الي ابالها ميتغير ابدددددددددددددددددد

» جمهورية عينها!!!!
» والان رجعت لي فتاتي
» رجعت بعد غياب دام اكثر من 3 سنوات