ابوذيات

اكوم اجلالاً لحسنك واقف لك
واسجل كلبي يا خلي وقف لك
وحطك بيه واقفلنه وقفلك
وطب بصدري واقفلكم عليه


قدر مكتوب حبك وانت قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو مسوية بيه

بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه


ربك لليريده باب هدلــــــه
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان ليه


التفت ليه بسهم عينه رماني
متت جن من جبل عالي رماني
حلو وفوك القهر لابس رماني
شفته وطحنه انه وروحي سويه


علي كالو شمالك بستغني
من الموال بسك بسته غني
كافي بعد اسكت بس تغني
انه انجنيت مايدرون بيه


تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه


يمن وجهك بنص الليل لالة
شنوامك بالنساوة اشتهت لالة
من اكلب بيك ليش تكول لالة
خايف تموع ابين ادية

ممنون يا غالي

عاشت ايدك روعه :ff:

تسلم وعاشت ايدك كلش حلوة

thanks

مشكورين وتعيشون عمر النسر