يا ذنب الجنيته وعني باعدتي
وهسه اندارت الدنيا وتندمتي
انتي ام عين باعت عشرتي بلحظات
بنفس العين هسه گبالي دمعتي
المواقف تنذكر لمن يصير عتاب
انه شگايل عليچ وعني شگلتي
يسألونچ عليه وگلتي هذا منين
وسألوني عليچ وگلت صاحبتي
. . . . . . .
انه متأمل جروحي الليلة كلهه تطيب
وانسه الذكريات ودمعتي وقصتي
ما حن الي گلبچ الاّ هذا اليوم
بعد يا جرح يشفه وانتي عاودتي
حرت مابين عن وجهچ ادير العين
وما بين احضنچ واصرخ تأخرتي
. . . . . . .
عيني تحملت واندارت بملگاچ
ولا چنهه اغرگت بالدمع من رحتي
بس گلبي ضعف وتعاند وية العين
ورضا وسامحچ اول ما تعذرتي
تحيييييييييييييييااااااااااااااااااااااتي
اليوم في 1:34 pm من طرف شروق محمد
