محاوره في الليل بالهاتف بعد انفجارات

هي
تانيتك بأشواق عاشك يحب حيل
وعيوني من ماجيت صبن دمع سيل
هو
ادريبج انتي اشواق كلج مشاعر
ودري الوفاء البيج يا حلوه نادر
هي
ما كتلي يلمحبوب شلسبب ما جيت
ونته عله وعدك دوم لا ما تخليت
هو
لمن اكلج جاي ما اخلف اوعود
والكلب بس وياج يا سلوتي يهود
هي
تسحرني يلمحبوب نشوة كلامك
ما ادري ليش الروح تضعف امامك
هو
مو ضعف هاذه البيج اجمل عواطف
حاطتني بالاسلاك خلتني خايف
هي
لا لا تخف يهواي بالكلب بيتك
موقصدي آنه ارهاب من حوطيتك
هو
مو كلبج السجان خلاني مجتوف
وخباره هاذه اليوم ذاعتني مخطوف
هي
هاذه العشك يهواي رايدله ساعد
اخطف حبيبي بليل وxxب مقاعد
هو
تxxب مقاعد زيف مو ينحسب بوك
كلمن يريد هواه يقرعله صندوك
هي
شلقصه يلمحبوب صارت سياسه
العشك موش احزاب كلمن وفاسه
هو
لا يابه منهو الجاب طاري السياسه
بس الوطن محتاج شوية حراسه
هي
خلينه بالموضوع لاتبعد بعيد
ليش الكلام وياك يحبيبي ميفيد
هو
ما اكدر اسكت ضيم وبصدري ياكل
شفت الورد مذبوح تضحك مناجل

هي
ادري الكلام البيك يحبيبي بيه
كلمة محبه نريد تحرسنه هيه
هو
انتي النقاء البيج يحبيبه صافي
يكفيني آنه وياج وبعشك دافي
هي
بس يا حبيب الروح ماجاوبتني
ليش خلفت يا سيف مو واعدتني
هو
ما كتلج آنه اليوم من جيتج اصار
صار انفجار ارواح والموته طشار
هي
سولفلي يلمحبوب شنهو القضيه ؟
وشلونك انته بخير لو بيك اذيه ؟
هو
اتحزميت بزود وآنه العراقي
شلت اليصيح بصوت والبعده باقي
هي
ادري انته بالشدات بالغيره تلهب
والوطن من يحتاج تدوي وتشب شب
هوشفت الوطن مxxور مجروحه عينه
بس كتله عد عيناك ناوشني ادينه
هي
الف السلام عليك ياوطن سالم
وسم الله علمحبوب من رجع غانم
هو
هاذه الجرالي اليوم هوّه المنعني
حب الوطن والناس منّج أخذني
هي
هاي المعاني البيك خلتني احبك
لوما الاصاله البيك لا ما اودك
هو
صح آنه احبج موت بس الوطن اب
لوما نحب لعراق هم نعرف انحب
هي

هسه الكلب مرتاح صح اختياري
حجيك نزل كلماي طفالي ناري
هو
انتي الحبيبه الدوم يهواهه كلبي
وجهج ورد ونوار ضوالي دربي
هي
هاي الرجوله البيك خلتني اصبر
وعله الوعد مو يوم كل عمري انطر

هو
موعدنه ما أنساه لابد اجيلج
وبلهفة المحبوب اركض وشيلج

- تصبح على خير
- تصبحين على خير

وااااااااااااااااااااااااو روعة تسلم ايدك

كلمات راقية و رومانسية

شكرااااا

تحياتي . .

وايدج عيوني منورة لقسم

تسسلم عيوني

هلا بيك مشتاق ورد

رووعة محاورة كلش حلوة عاشت يمناك ابو علي

تدلل عيوني اسير منور لقسم

جميل جدا عاشت الايادي

مشكور وسام ع لرد عيوني

» محاوره بين حبيبين
» محاوره شعريه ::روعه::
» محاوره بين عاششششقه ...... وحفار القبورررررر
» أحب الليل
» ملكة الليل