مجموعة جديدة ..ابوذيات ودارميات..ااخ يا كلبي...

نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

مشكورين وتعيشون عمر النسر
وزورونا لقسم الموسيقى والسنفونيات

الله الله هاي شنو عمي داليا يخبلن تسلمين

تسلمين حبي كلللللللش حلوات شوفينا احلى منهن

يسلمو عاشت ايدج واسمعي مني

هاك اشعل كَلب كَلبي ووجهاك
على حاله راح أعلمنك وأوجهك
بشالك من تلف شعرك ووجهك
تلف روحي مثل لف ألمنيه



تقبلو مروري $الباشه$

شكرا على الردود وشكرا يا الباشا على الابوذية..حلوووووووووة

عاشت ايدك و تقبلي مروري