حاوره**شعريه

موضوع: حاوره**شعريه 2008-02-29, 10:13 am

هي*
*******
باردة اعصابك
وانا المشتعله نار
انتظر
مليت والله الانتظار
لا إلك جيه واظل اتنطرك
فات موعدنه
وبعد ما اعذرك
بيا عذر تقنعني .. شيفيد اعتذار

هو *
*******
شوفي
احچيها ابصراحه
آني ما متعود .. اخفي اللي يصير
آني أخرني الزمن گوه عليچ
والزمن ميحبني
آني احس باشواگي اعذبچ
اني جنحاني ورق
والريح نار.
واظن معذور من اگلچ ما اطير
وآنه احلم بالدفو
وحضن الحنان
لكن الايام
بالضد تستدير

هي *
********
شوف اگلك
آني حبيتك شخص بي كبرياء
انت اكبر من خيالي
والرجل بافعاله
يصبح چبير
المهم عندك وفاء
وغيره
واحساس وضمير
يا حبيبي ..
آنه اعيش وياك عالمر
آنه احبك .
وابقى احبك للأخير

هو *
******
مرات الزمن
ما ينصف ويه الناس
واخاف من الزمن .. وياج يخذلني ..
امنيتي آنه اسعدچ
بس اشلون ..؟ وآنه الزمن ظالمني

هي *
******
لتعيد الحچيته ارجوك آنه اهواك
وغيرك للأبد .. بالدنيا ميهمني
ما اگلك ابالغ
من اموت اعليك
بس الايام تمشي
وبيها جربني
اوفرلك سعادة ولو اعيش ابكوخ
لأن ادري آنه بيك
ابگلبك اتحبني ..
المهم .. خليني افرحك يا اعز الناس .
ميلادي اجه ..
ولازم تشاركني ..

هو *
********
عيد ميلادچ غنه .
وشربت .. وكيك .
وآنه عيدي ادموع .
وهموم .. وقهر ..!!
وحاسبه لعمرچ
تره ايام وشهور
وآني مدري العيد
مرني ابيا شهر ..!!
الليل لو ردتيه
يجيچ ابكل حنان
وآني بيده الليل .
جايبلي السهر .
وانتي كل اليوم الفرح .
يمچ يكون
وآنه مره الفرح
مر بيَّ وعبر
وانتي صبرچ .
هو يتعنى ويجيچ .
وآنه صبري من القهر ..
طگ .. وانفجر ..!!

موضوع: رد: حاوره**شعريه 2008-03-01, 3:33 am

عاشت ايدك حلوو واني اليوم عيد ميلادي

موضوع: رد: حاوره**شعريه 2008-03-01, 7:51 am

هع هع كل عام وانت بخير هع هع
يسلملي مرورج عيني ام كفشه والله منوره بردج الحلو

موضوع: رد: حاوره**شعريه 2008-03-01, 6:48 pm

يسلموووووووووووووووووووووووووو

فراس المبدع الرومانسي التمساح خخخخ

موضوع: رد: حاوره**شعريه 2008-03-01, 7:27 pm

هع هع يسلملي مرورج عيني سحليه بنوته الكتكوته والله منورتني بردج الحلو

» مسابقه شعريه
» محاوره شعريه ::روعه::
» فد مناقشه شعريه بين الفصيح والاابو ذيه گرب ياولدد
» محاورة شعريه (دارمي) بين طالب وطالبه والاستاذ.