عهدن علي ومهما كنتي بعيده *** ومهما يكون البرج ما يقبل أرسال
لاأدق رقمك كل لحظه واعيده *** في كل لحظه لو يجي عقلي هبال
في غيبتك مابغى حياتي سعيده *** مابغى الفرح لويمطر مزون همال
والله رب الكون خالق عبيده *** إني كتبت القاف والدمع هطال
أحب حبك والمحبه شديده *** حبن بليا حدود وأضرب به أمثال
ياحب تبقى كالعصور المجيده *** تمجيد واقع ماهي أقوال تنقال
واللي حكى بالحب والله لأزيده *** وأشرح ولو شرحي على من سمع طال
في غيبتك سرت بمجره بليده *** يهيم فكري في غياهيب وسهال
وأحس قلبي ينتزع من وريده *** وأحس شرياني تقطع به اوصال
ما لي طريق ولا خطاوي سديده *** إذا وصلت بليلي اصبح بترحال
دونك جبال و شاهقات عنيده *** ارقى لوصلك دون عده ولا حبال
عندي ظروف وعندي اشياء عديده *** أبا أتصبر لو تدهور بي الحال
عقبك وجودي وجد من شاف قيده *** وجد الشجاع اللي غدر فيه الانذال
حارب لأجل ذيك العهود الوطيده *** ويوم أقبل العدوان كلن عنه زال
خلوه قومه والعهد ما يفيده *** رضخ لقيده وربطوا فيه الاغلال
وإلا كما مسجون ينشد نشيده *** مظلوم شاف الويل من كثر الاهوال
بكره قصاصه والخبر بالجريده *** غنى حزن مال الدهر و الدهر مال
يارب صوت حبيبي لا تبيده *** لين ألبس الاكفان وأتلحف رمال
2024-06-14, 2:01 pm من طرف سنااء
