المدرسه البيه اهواي احلى المدارس
افرح لون بالباب خلوني حارس
للمدرسه اتعنيت يسبكني كلبي
صارتلي مثل البيت جي بيها حبي
الطلبات انجوم وانتي كمرهم
الشوفتج فدوه يروح عمري وعمرهم
هاج الكلب اخذيه دفتر للدروس
وأعيوني من تقرين اسويها فانوس
دكتوره تتخرجين يا سلوه الروح
والدوه من ايدج كون يشفيلي الجروح
يلي بهاج الروح شايلها وافتر
كلبي قلم ياريت والمهجه دفتر
أول اريدج دوم عالصف تطلعين
وحالف قصيده اهديلج كلما تنجحين
يا حلوه الحلوات نتلاكه يمته
هو العمر شيفيد من يكضي سكته
اريد انشد اهل الشوك والنشد مو عيب
جرح اليبجي أمن اهواك شتحطله ويطيب
ياأمها شتريدين من جار الاشواك
اهجر وابيع الدار لو أبكه مشتاك
2024-11-03, 12:31 pm من طرف شروق محمد
