سيد جروحي شمس عمري وظلي........... البعد طوّل والخطأ منك واضح
اذا غرورك يمنعك تعتذر لـــــــي............ تعال جنبي وابتسم لي واسامح
تدري احبك لكن الموت ذلّــــــــي ...........ادوس انا قلبي لو الشوق جامح
الله عطاك الحظ واصبحت خلّـــي ...........والله عطانياك طاغى ملامح
سألتني يـــــا يـــــــــاسميني وفُلي........... ياكيف يشفى الورد..والشوك جارح
مثل العيون اللي لها كل كلــــــي........... زايد حلاها لكن الدمع مالــــــح
وش تنتظر يكفي دلال وتغلـــــي ............الوقت ماهو للوصل دوم سانح
مادمت ترحالك ومادمت حلـــــي ...........ان صرت انا خسران ماصرت رابح
لا تعطي الفرصة لـــــعذالنا اللي........... لكل ماهو يهدم الحب طامح
مالك صبر عني ومالي تسلــــــي........... والوقت خيل صوب الآجال رامح
سيد جروحي شمس عمري وظلي .........الحب بعد وقرب..مخطي وصافح
اذا غرورك يمنعك تعتذرلــــــــي ..........لا تعتذرلي قول اسمي واسامح
2024-11-03, 12:31 pm من طرف شروق محمد
