ما رأيك بصداقة المنتدى؟ ؟

موضوع: ما رأيك بصداقة المنتدى؟ ؟ 2009-08-14, 3:57 pm

[ندعوك للتسجيل في المنتدى أو التعريف بنفسك لمعاينة هذه الصورة]

مارأيك بصداقة المنتدى؟؟
وصديق المنتدى؟؟

الصداقة هي رباط متين يربط بين أثنين و يقوم على أسس قويمة أهمها الوفاء ,
الإخلاص , الحب , التفاني ، التضحية , التفاهم , و العطاء بكل معانيه .

و نظرا لكل تلك الأساسيات فقد أعتبر البعض أن الصداقة الحقيقة أصبحت من
المستحيلات و يصعب و جودها بهذا الزمن الذي أصبحت تتحكم به المصالح
الشخصية .

و بظهور العولمة التي جمعت الناس من جميع أقطار العالم على شاشة صغيرة و
قربت بين القلوب و العقول وُجدت نوع من الصداقة تكاد تكون للبعض وهماً و
تكاد تبنى لدى البعض على أسس قويمة .
لذلك أتمنى منك عزيزي العضو أن تجيب على أسئلتي بصراحة متناهية عن رأيك بصداقة المنتدى

ما رأيك بصداقة المنتدى ؟

هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟

وإذا كان الجواب بنعم فما الفرق بين صديقك على أرض الواقع وصديقك بالانترنت ؟

هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟

هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟

هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟

إلى أي مدى يمكن أن تثق بصديق الانترنت ?

هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟

هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟

ما رأيك بصداقة المنتدى ؟
رأيي ممكن تتكون صداقات بس متكون ذيج الصداقات القوية واحيانا تتكون صداقات قوية بس اني ما اايد هالشي
هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟
عندي صديقة بس مااعتقد هاي صداقة حقيقية
وإذا كان الجواب بنعم فما الفرق بين صديقك على أرض الواقع وصديقك بالانترنت ؟
فرق كبيراللي ع ارض الواقع تكون مأمن بي ويكون كدامك وتشوف تصرفاتة اما اللي عالنت فهو انسان وهمي
هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟
لا مستحيل ينطبق عالنت
هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟
اتعامل بحذر شديد طبعا الدنيا ماتتأمن
هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟
لا للأسف بس كلش يعجبني هيج يصير
إلى أي مدى يمكن أن تثق بصديق الانترنت ?
40%
هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟
اي لبنية صديقتي
هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟
لا الله لا يكولها
اني اصلا ماعندي هوايا صداقات
مشكوورة حبي مينا عالموضووع الروعة

اني هم
ما عندي صداقات هواي

يسلمو ع المرور

ما رأيك بصداقة المنتدى ؟

امممممممم
خوش صداقه بس اذا واحد يطرح شخصيته الحقيقيه
بس اغلب الاعضاء يكضوها واحد يصبغ بالاخ

هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟
لا
ماكو هيج شي بس
اكو اصدقاء بالحقيقه صارلي اسنين ممتواصل وياهم
بس عبر النت

وإذا كان الجواب بنعم فما الفرق بين صديقك على أرض الواقع وصديقك بالانترنت ؟
الجواب مو نعم هع
بس اكوووو فرق من السما للكاع
لان هذا ممكن يزيف كل شي عليك

هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟
اممممممممم
ممكن والله بس مثل ما كلت اذا اكو ثقه

هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟
والله الصدك
اثق ثقه عمياء ونادرا ما احذر من واحد

هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟
اي هواي
وهسه هم راح اشوف حيدر دبابه

إلى أي مدى يمكن أن تثق بصديق الانترنت ?
85%
هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟
البيانات الشخصيه الحقيقيه اي
بس الصوره اني اصلا ما عندي اي صوره الي
بحاسبتي وصوري مضيعهن خخ
من الكاهن عود افكر انطيهن الواحد

هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟
والله الي مواقف مو موقف
بس مخلاني اخذ نظره
لان بوكتها جنت مشرف منتدى سياسي
وتدرون ذوله ميعجبهم حجيك ينكلب عليك
واكثر من مره تهكرت حتى علمود هذا الشي.

وبالنهايه احب اشكرج مينووو

ع الموضوع الراقي صدك والله

وبنوته والله طلعت اني البريئ خخخخخخ

ما رأيك بصداقة المنتدى ؟
مع احترامي الى الجميع اكو مثل يكول (خلي بكل خرابه كرابه )
هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟
لاني لاعلم بتفكير الغير لذلك افضل البقاء بعيدا عن معنى الصداقه الخالصه
وإذا كان الجواب بنعم فما الفرق بين صديقك على أرض الواقع وصديقك بالانترنت ؟
بالنسبه لي اصدقاء الواقع هم من نستطيع الاستنجاد به في وقت الشده
هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟
بالنسبه لي اني ما اكدر احكم على الجميع لكن افضل البقاء بعيدا
هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟
اكيد بحذر لان صديق النت منكدر نميز الثقه المتبادلة بيني وبينه
هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟
مرو واحدة على ما اذكر ووجدته مخلص بكلامه
إلى أي مدى يمكن أن تثق بصديق الانترنت ?
0% مع احترامي للجميع

هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟
لا ابدا
هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟
لا ماكو اي شئ والحمد لله

شكرا على الموضوع التحفه الرائعه

هههههه لا حديقة يمعود والله اني على نياتي كلش ومرات اخرب هوااايا امور على نفسي بسبب ثقتي بالاخرين

يسلمووووووووا ع موضوووع
وسبقوني الجماعة ....

إلى أي مدى يمكن أن تثق بصديق الانترنت ?
حسب الصديق
هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟
لا

والبقية مثل اجوبة البنوتة سوسو بالظبط

مشكورة مرة ثانية

ما رأيك بصداقة المنتدى ؟
حلووة بس خطرة
هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟
اي
وإذا كان الجواب بنعم فما الفرق بين صديقك على أرض الواقع وصديقك بالانترنت ؟
لا الصديق الي على الواقع اكيد احسن لان كدامك ودتشوفه

هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟
هي صداقة الانترنت شي ناااااادر يلا تلكه احد مثلك
مثل اخلاقك ومن هاي النواحي
وبصراحة الصديقة الي لكيتها اكيد ينطبق عليها هذا المثل.

هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟
لا كلشي بشدة الحذر بالبداية, لمن تتجاوز فترة معينة
ابدي اثق بس مو تقة عمياء
هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟
لا بس اتمنى .

إلى أي مدى يمكن أن تثق بصديق الانترنت ?
to be honest dody is the best, I really trust her.
وكشيء عام ف اكول صديق الانترنت 10%
انما صديقتي دودي فتكون 85%
وال15 ان شاء الله لمن اشوفها تصير الثقة Full

هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟
nah
شكرااااا على الموضوع مينا الوردة .

ما رأيك بصداقة المنتدى ؟
بصراحة اني مو كلش اشجع صداقة المتدى لأن انتي شخص متعرفه بالحقيقة ومتعرفين اخلاقة وتصراتة

هل لديك أصدقاء تتواصل معهم على الانترنت وتعتبرهم أصدقاء بكل ما تحمل هذه الكلمة من معنى ؟
اي عندي صديقة وحدة مصرية عرفتهة من النت

وإذا كان الجواب بنعم فما الفرق بين صديقك على أرض الواقع وصديقك بالانترنت ؟
طبعا صديقة الواقع اختي مو صديقتي وصديقة النت مجرد صديقة
هل تعتقد بصدق المثل القائل ( رب أخٍ لم تلده أمك ) و هل ينطبق على صديق الانترنت ؟
اي اصدك بهاي المقولة بس مو اصدقاء النت

هل أنت من الناس الذين يتعاملون بحذر مع صديق الانترنت ؟ أم تثق به ثقة عمياء ؟
بحذر

هل سبق وأن كونت صداقات على الانترنت ؟ ووصلت تلك الصداقات إلى لقاء مباشر ? فتحول صديق الانترنت إلى صديق واقعي ؟
لا مصارت قبل

إلى أي مدى يمكن أن تثق بصديق الانترنت ?
ما عندي اصلا اصدقاء من النت بس صديقة وحدة ويعني اوثق بيهة بس مو بكلشي

هل سبق لك وان أعطيت بياناتك الشخصية الحقيقية وصورك الشخصية لصديق الانترنت دون أن تشاهده ؟
لا ابدا

هل حدث لك أي موقف محزن مع صديق الانترنت جعلك تتخذ موقفا من جميع أصدقاء الإنترنت ؟
لا

مشكوووووورة

» لحظه قبل ترك المنتدى(أهداء ألى دانه وكل عضو فكر يترك المنتدى)
» شنو رأيك
» ,,,((حدود في الحب فما رأيك )),,,
» أهداء لكل أصدقاء المنتدى
» هل تفتقد عضواً في المنتدى