قصائد عن وحدة العراق

--------------------------------------------------------------------------------

الى داحي الباب اكتب شكوتي؟؟؟






شسولف لك يداحي البـاب
شـوف اشعملـوا بـداري

ببـلادي خـراب ايصيـر
والينهـب صبـح جـاري

اوامـر للحـكـم عـدنـه
كلشـي بسكتـه انــواري

شسولف والـحچي لوطـال
وانـت بهالـوضـع داري

يداحي الباب وادري اتخيب
كلمـا اكتـب اشـعـاري

الوطن يالوالي صار اوصال
ومن ثوب العليـه عـاري

وانه مچتف واشوف البوگ
وكل ساعه تشـب نـاري

وبعدنه نخاف نرفع صـوت
او نخاف نجيب بالطـاري

طبع بينه النفـاق ايصيـر
وهـو المنهـج الـسـاري

چاوي الگصـه واحـدنـه
ولحيته شتخفـي وتـداري

وراها چم الـف شيطـان
يماطـل ي?ذب ايـمـاري

حرام يحج يطـوف البيـت
شلّـه ابحجتـه الـبـاري

وحرام ايگول احب حسيـن
وقصايـد للحـزن قـاري

ويـن النخـوه والغـيـره
انـهـض گوم يسـمـاري

بسـك مـا كفـاك النـوم
انهـض شـوف انهـاري

صـارت بالدمـه حمـره
وبـعـد ميفـيـد مگواري

لاأن زرعوا بأرضنه اسموم
بيهـه اندفنـت اسـراري

وحتى الجو صفه مخبـوط
عالـي اترابـه الــذاري

بمزاد الوطـن والله انبـاع
وحريمه الاجنبي الشـاري

يصيح بصوته الف هيهـات
محـد يحمـي اســواري

اذا الحامي حرامي صـار
وكلهـه اتلـوذ باكـتـاري

وچنت انـه ابـو التاريـخ
ليـش انبـاگت اثــاري

يظل يعتب يداحـي البـاب
وطنـه ومدمعـه جـاري

اريـد الفـرج يـامـولاي
والله انهـارت افـكـاري





ابو علي السعيدي
****************
خوتنه دوم وللابد




ما نختلف واحد نظل خن نكتل الشمات

حطني بيمينك سند بالشدة وال كلفـــات

روحي ويروحك هوه وسط الگلب دگات

عشر تنه مثل الدمع بالعين ابد ما مــــات

نتعارك احنه صدگ بس تنحسب هوسات

صد گني هذا الوكت لمة وجــــمع لـلــذات

وعشر تنه وي الگمـــــر بالليل مـــن يبـــات

ونرسل ســـلام الصــبح للشمس بالغيمات

عدنه المحبة صفة مـــن كـل كتر صفحات

صفـحتنه طير وهوة والمضى وي ألفـات

گلبي ويگلـبك حـــزن مختلفة الحــــالات

وكت الفرح نضحك سوه ننسـاهن الآهــات

وكت الحزن بيه نشترك بالدمعة والحسرات

عشرتنه وحدة وصفت مكتوبة باللوحـــات

جلد ولحم نطبگ ســـوه مــانفترگ هيهــات






ابو زهراء المهند
********************
حقوق انسان





اسف يا للأسف كل هذا بينا يصير
نموت بلا سبـب بـس عالهويـه
يا فرحة امريكا اتحقق لها الصـار
وباحـلام التأمـر غـردت هيـه
يا جذب المداعه وي حقوق انسـان
وارقام الجثـث صـارت خياليـه
بس صوت السرف ظل يدوي أبغداد
وعلى صدر الحراير يمشي ليليـه
يوميه بحجج والموت بينـه يزيـد
وعلى يتمـك وطنـه بايتـه النيـه
ما يردون ابد تطفيها هـاي النـار
يزيدوهه بحطب لو هفتـت شويـه
يا فرقه اخوه تريـد بينـه أصيـر
سنه الوحده تبقـه وتبقـه شيعيـه
احنه اهل الرجوله الغيره بينه تفور
لو بصره اندبـت تفـزع الغربيـه
بس غادر وطنه وامشي يا محتـل
يصل بينه التكاتـف ميـه بالميـه
وسلاماً يا عراق يطيب جرح البيك
وترد عالي المقام وناسـه محميـه
*****
طوكَنـي زمانـي بطـوك محتـل
وبعمـري فـلا رافكـت محـتـل
وسفـه اليهـودي بالبلـد محـتـل
واحنه اهل البلـد نتكاتـل سويـه





محمد العبودي
*****************
وحدتنه ...نصر






أبدي امن الصفر بس انته إبدي ويـاي
وانه بهـا لوطـن عنوانـي عنوانـك

لاهيّن عليك يمـوت عنـدي حسيـن
ولا هيّـن علـيَّ يمـوت عثمـانـك

عثمانك اخوي ولجلي ضحـه ومـات
وحسيني أنذبح جـي نصـر خوانـك

إحنه ابفـد قضيـة ويشهـد التاريـخ
عدوان ألعلـي شـو نفـس عدوانـك

شرياني أنتصر جي دمـك يمـر بـي
ودمي الهالوكت مـا عـاف شريانـك

شكَد زرعوا فتن بس ما خضعت بيوم
رفضت آنه الفـرح لعيـون أحزانـك

وجازيت ووفيت وصرنـه إيـد بإيـد
وإيمانـي ثبـت مـن قـوة إيمـانـك

أبكل محنه التمر من كَبل مـا أنخـاك
تدكَ بابـي وتجـي وتجيـب قربانـك

وشنهـوه التغيـر حتـه أزل ويــاك
لا مرسـل إجـه ولا ضـاع قرآنـك

وطنه اجروحه تنزف والنزيف أرواح
مـا يحتـاج أحشـم طيـب وجدانـك

إذا نجمع شملنه اجروحه كلهه تطيـب
كملـت خيمتـي ومعتـازه عمدانـك

حدر خيمة وطنه ونحسـم الموضـوع
والبكَلبـك أريـد اتكَـولـه بلسـانـك

أريد أزرع ورد بس شرط عندي ابهاي
شرط ماريد أزرعـه ابغيـر بستانـك

وأريدن هالورد مـن مايـك إترويـه
وتسولـف قصتـه كَـدام رضعانـك





عمار هليل الواسطي
*******************
أيد ابأيد ونزرع وردة





شنهو الشيعه وشنهو السنـه
وشنهو العرب وشنهو اكراد

وشنهـو اقليـم ابكردستـان
وشنهو اقليم ابنـص بغـداد

وشنهو اقليم ابـأرض الفـاو
ومنهو الخلـه البلـد ارمـاد

مـا اتصـور منـه اوبينـه
أوما كل ملـح ويانـه اوزاد

أومو شيعي اليذبح والكعبـه
ولا سنـي اليذبـح لـك داد

هذا اليذبـح مـن امريكـه
وعايش عمره ويه الموسـاد

يا خويه اصحه وهم صحيني
وخنصبـح ضـد الأوغـاد

ولا ننسه اخوه احنه اوجيران
وعمر ابني وابنـك سجـاد

ولا تنسه اسمك عبد القـادر
وأسمي حيدر بـاب امـراد

ولتخلـي المدسـوس ايأثـر
ويفرقنـه ونصبـح ضــاد

ولا تزرع عبوه ابشارعنـه
ولا كتلـك واخطـف الاولاد

ايـد ابأيـد ونـزرع وردة
وأيد ابأيـد اوكافـي اعنـاد

ونطرد كل مـن راد يفـرق
بينـه ايشتـت هـوه او راد

وزاخو اردهه الأرض الفاو
وكلنه انغنـي ابهـل انشـاد






موطني ... موطني

الجلال و الجمال و السناء و البهاء في رباك....

في رباك

و الحياة و النجاة و الهناء و الرجاء في هواك....

في هواك

هل اراك...

هل اراك...

سالما منعما و غانما مكرما...

سالما منعما و غانما مكرما...

هل اراك...

هل اراك

في علاك

في علاك

تبلغ السما ...تبلغ السما

موطني.... موطني

الشباب لن يكل همه ان تستقل او يبيد ....

او يبيد

نستقي من الردى و لن نكون للعدى كالعبيد....

كالعبيد

لا نريد.... لا نريد

ذلنا المؤبد و عيشنا المنكد

ذلنا المؤبد و عيشنا المنكد

لا نريد...

لا نريد...

بل نعيد

بل نعيد

مجدنا التليد .... مجدنا التليد

موطني ....موطني

الحسام و اليراع لا الكلام و النزاع رمزنا...رمزنا

مجدنا و عهدنا وواجب الى الوفاء يهزنا...يهزنا

عزنا...عزنا




احسان القريشي
************************
زمزم العراق





انا جيت اوشايل اجروح العراق ابجنطتي
المحنه محنه اوجيـت اسولـف محنتـي
جيت شايل هـم وطـن كـل الشعـوب
اطني اذنـك اصغـي واسمـع قصتـي
انا ابـن بستـان كـل لـون الـورود
اوكـل ورود الگاع تعـشگ وردتــي
انـا ابـن نهريـن طوفـان الحنـيـن
غار زمـزم مـن طعـم مَـي دجلتـي
انـا ابـن نهـر الـفـرات اودهلـتـه
اويارحيـق ابعطـر عنـبـر دهلـتـي
انـا ابـن ارض الشمـوخ العاصـيـه
نامـت الدنيـا ابكتـر فَــي نخلـتـي
انـا ملـح الفـاو غـزر بالصـديـج
اومايخون الضـاگ ملحـي اوخبزتـي
شعبي بزمور التـفگ يرضـع حليـب
اوكلهـا بالعشريـن تشـهـد ثـورتـي
هـدت الانبـار متحزمـه الرصـاص
اوهلهلـت بنـت الرميثـه اوتـفگتـي
انا ابن ارض الحسيـن امـن العـراق
اوجيت اصلي اويـاك واركـع ركعتـي
وانـت ام جمعيـن وانـا اجتـف وراك
اوشـوف هالذهـا الصـلاة ابتربـتـي
اوهاي الك جايب رساله امـن العـراق
السنـه والشيعـه رمـز كـل وحدتـي
شَهَگ بيـه ابليـس وايقـن واستـراح
اوشاف أطلگ الروح وانصـر خِوِتـي
غمد سيفه اوخـاب كـل فعلـه المقيـت
وايـس ايسـاوم عـراقـي ابرگبـتـي
جَيَش ارهاب الغـدر مـن كـل مكـان
وانغـوة بعـض العـقـول الذبحـتـي
فكلـه سـت بيبـان وانهـد الـجـراد
اوكل جـراد الكـون عـاث ابثمرتـي

جسد واحد طولي مـن طـول العـراق
ابصدري ترجع مـن اصـوب چيلتـي



مشير السعيدي
***********************
روحك نهر ذبلانه


مدر روحك نهـر ذبلانـة شفـة الگاع
ورد شمر العطـش يتبختـر برمحـة

مشتاگ الـك تحظنـي بخـلگ فـلاح
من يلـف غترتـه ويحظـن المسحـة

تذبحني واذبحك وانـه اخـوك شلـون
چا ليمت احسـاس المحتـل نجرحـة؟

جبنه الوطـن جثـة لغرفـة التشريـح
گطعنـا وصـل فـي حجـة نشرحـة

نعم دمنه الصبغ واللوحة كاعـك هـاي
والفـرچة شظايـا تلـطّـخ اللـوحـة

بس احنه وعلي شيعتنه سنـة تصيـر
اذا حانـت الساعـة وهلهلـت فرحـة

الواحد ينقسم بس علـه نفسـه يجـوز
ليش تدوخ بيـه وتضربـه وتطرحـة

مو ناصي الجبل بركـان بيـه يفـور
لـو مـو تفرقـة ماتوصـل لسفـحـة

عدنه حسين ميت بالعطش مـن طـاح
بس ياهو ابن ابيـه الـيگدر يذبحـة؟

وتدري انت الوطن طاح عله حد السيف
يـوگف عالجـرح والتفرقـة تطيحـة

حط ايدك بدي خل نبني سـاس البيـت
ونعجنـه بدمـع وبمستحـه نسلـحـه

وخل نرسـم وطـن للـورد للاطفـال
خـل نلجـم دمـوع سنينـه الوكحـة

خل نعبر جرحنه ونلوي خشم المـوت
خـل ماعـون دمهـم نكفـر بملحـة

مثـل مافرقونـه وذبحـوا النهـريـن
وبدجلـة انذبـح مـلاچنـه وفلـحـة

إلهي بجـاه دمعـة ام طفـل مذبـوح
كون بدجلـة نـلگه التفرقـة مطفحـة

مد چف الصلح خل تضحك امي شبيك؟
گظتهـه مغنتبـه وماشافـت الفرحـة

من اهد ماراح ابنهه وهيه تبـي آيـات
كل آيه التطيـح المصحـف تجرحـة

عليـك بداعـة امـك لاتسـد البـاب
تـره كلفـه وتشـور حوبـة الملحـة

سوه نقفل جرحهه ونسد حلگ المـوت
وسوه بـاب الفـرح بعيونهـه نفتحـه

ونرسم خارطة بسمه عله كبـر الگاع
وتـراب الدمـع عالخارطـة نمسحـة

ونطيـح الطافيـة الفرقتنـه سنـيـن
بچفـوف الصلـح واليرفـض نطيحـة

على صدر الوطن جرح الكرامة وشاح
وطن باعظم جرح ربك تـره موشحـة

الجرح هم بيه صبح بس موصبح تاريخ
غصبا عالظلام يـطگ قلـم صبحـة

شكرا اخويه العزيز على ردك الحلو
تحياتي

شكراااااااااااا على القصائد الحلوه ياورده عاشت ايدج

والله بعد هذه القصائد اللي قريته بعد ما اعرف اعبر والله !!!! بس اكــدر اكــــــــول بارك الله بيج اختي وشكرا


[ندعوك للتسجيل في المنتدى أو التعريف بنفسك لمعاينة هذه الصورة]

شكرا على هذا الشعر المعبر [/i]

مشكور على الرد الحلو

مشترك كلــــــشي وياك ولــــــــــدم فرد دم
موصحبة انة وياك اخوة اولـــــــــد عــــــــــــم

مشكوووووور حبيبي عاشت ايدك

:D مشكور على ردك الحلو بس ترى اني ببنه مو ولد
تحياتي

عاشت ايدك صدك حلوات القصايد ولا تحرمينا من جديدك

مشكووووووووره ورده عالقصائد الحلوه عاشت الايادي

مشكورة يا مبدعه على القصائد الرائعه لكي واتمنى لكي الابداع المتواصل

تحياتي

الشاعر احمد المسعودي

روووعه يسلموووو على هاي القصايد


بايز

مشكوررررررررررررررررررعلى الرد الحلو

عاشت ايدج اختي واتمنة ان يكون القادم افضل واروع واجمل
وان شاء الله الفرج على امة محمد
بحق داحي الباب
وتقبلي مرررررررررررررروووووووووووووورررررررررييييييييييييي
_ _ _ _ _ _ _ _ _ _ _ __>

مشكور على المرور الحلو

عاشت الايادي احساس رائع
ثحياتي وتقبلي مروري

مشكور على المرور الحلو

تدللون واي شي اطلبوه احنه موجودين