مشكلتي

اولا سلام عليكم
ثانيا اخوي العزيز اسف اذا مدخلت بس الشغل موتني
ثالثا مع احترامي الى جميع الاراء التي طرحت من قبل المشكله ليس فيهم بل فيك اخوي شوف احنا مثا منكول مرينا بهيج مرحله من العمر انت هسه داخل على سن المراهقه يعني الواحد يحس نفسه ان خلاص الجسم انتهى بناءه والعقل قد اكتمل اني اخالف هذا الفكر لان احنا المراهقين لا نقتنع بكلام الابوين لان احنا ناس اعنوديه وبداخلنا ان الابوين هم الاعداء لنا
اما عن حالتك راجع نفسك
ماكو واحد يبني نفسه بنفسه او يعلم نفسه بنفسه الطفل يحتاج الى الشيخ للتعلم منه والصغير من الكبير طبعا اني اخالف في كلامك ان انت علمت نفسك على اشياء صح واشياء غلط
شوف اقولك احنا الشباب عندنا مشكله ويه الابوين ليش محد يعرف انت كلت ان مريتوا باسواء ايام من العمر تهجرتوا وتوفت الولدة الله يرحمها يعني مريتوا بظروف اكبر واحد ممر بيها
شوف حبيبي اخذ ابوك صديق لك سولف وياه احنا بهيج عمر محتاجين الاب لان محد يفهم الطفل كالاب اتخذه صديق مقرب سولف راح تشوف ان هو راح يبدي يتفاهم وياك وبنفس الوقت راح تشوف انت مرتاح نفسيا وجسديا جرب وشوف واسال مجرب ولا تسال حكيم والله راح تشوف فرق كلش جبير شوف اني اعاني من مشكله الاعناد بحيث المقربين لي سموني في بدايه العمر15 لغايه17 سنه بالمتمرد سموني لاني دائما تجديني متمرد على القوانين البيتيه بس بعد متخذت ابي كصديق لي الوضعيه اختلفت تحولت من التمرد الى قائمه المقربين انت حاول تغير من حياتك ترة انت بعدك صغير وكدامك عمر طويل ان شاء الله ترة الاب هو اكثر عمر منا لذلك علينا ان نحترم رايه واني اخالف راي اي احد قال بين نفسك مقتنع ترة هذا مو صحيح هذا معناه انت قد استصغرت من ابيك ولم تعد تبدي له الاحترام
اسف طولت بس مشكلتك شوقتني على ان اكتب جريدة
الله عليك اي شئ تحتاج احنا كلنا اهنا علمودك وعلمود اي واحد من اخوتنا وخواتنا
اسف على التطويل والسلام

كلامك ذهب ايطالي والله

منورنا ايطالي

عفيية عليك وشلت الطلقات يمعوود متنا الحمد لله هع

والله يا حديقة شايلة همك ياااارب تنحل مشكلتك ونشوفك فرحااان بقرب ابوك منك امين

شكرا الكم للي شاركني في الراي وشكرا للذي لم يشاركني الراي
حبيبي حديقه التوقيع مالتك يوضح ان انت داخل على مراحل متقدمه من العمر
حبي اخوي الصغير انت شوف دير بالك على نفسك اياك ان تغر الايام ويصيبك التعاسه من ورة مواقف تمر امامك انت لازم تشكر ربك على الظروف العايش انت بيها اياك ان تضع في وجهك السدود والعوائق اني طبعا بالامس مردت اكمل لان شفت الرد طول اهوايه
اخوي نت كاتب ان مستطيع التغير لا لازم تغير ترة الحياة من دون تغير تصير ملل
اكيد انت دتلاحظ الجميع دتنبهك على ابوك اياك ان تخالف رايه حتى لو كان رايه صحيح لان يبقى هو متخذ دور الاب وانت الابن انت ترة جبير هسه يعني لازم اشويه اشويه يرمي عليك مسؤوليه نفسكاياك انت تكره بيك اي احد من المقربين لان هو سندك بالمستقبل عندي كتاب ان شاء الله اذا كدرت اكتبه الك على word وادزلك ياه كتاب يحجي عن علاقه الاباء بالابناء فد شئ خرافي اطلب منك تدير بالك على نفسك وخلي بالك ويه اهلك ودراستك وعقلك و اياك ان تفكر من صرتك الى جوة فكر من صرتك الى فوق لان ترة تضيع
خلي يعذرني الجميع من هاي الجمله الاخيرة بس اريده يتعض ويبتعد عن الاصدقاء التعبانين الي لا يفيده و لاشئ
طبعا شئ اكيد طولت بس اتمنى ان تكون فكرتي وصلت ادري اشويه ممفهوم بس ميخالف كلت الحليم تكفيه الاشارة