لماذا اخطاء الشباب طيش !!! واخطاء الفتاه جريمه :: موضوع نقاشي حواري

لماذا اخطاء الشباب طيش !!! واخطاء الفتاه جريمه :: موضوع نقاشي حواري

حتى في ارتكاب الأخطاء !!. نجد ان المجتمع يفّرق بين الشاب والفتاة .

فإذا ما تم ضبط شاب
وفتاة في وضع مخل أو وضع غير ذلك في مكان خاص او عام .
نرى الشباب يحصل على البراءة في فترة

وجيزة , ويتغاضى المجتمع عن أخطئه ويتناساه .

ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنها
مجرمة , أو منحرفة , فهي أخطأت في حق

نفسها ,أسرتها ومجتمعها , ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة
حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب او يسعى للزواج ..

وانا لااعني بكلامي هذا ان يتغااضى الانسان عن اخطاء
البشر سواء كان شاب او فتاه ولكن يجب ان يعطى الانسان فرصه اخرى بحياته ولكني اعني
بالرحمه والرفق بالفتاه

فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل

مايحلو له من ذنوب بعد توبته .. فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاه - وحدها - هذا الوزر,وتدفع الثمن خطئها طوال عمرها .. ؟

عزيزتي
هذا الموضوع هو حلو
لكن النقاش فية لا يؤت بنتيجة
يعني مثل المثل الذي يقول
هواء في شبك
كل الاراء مع اعتزازي بهم سوف تكون مجرد اراء وردود مكررة
البنت بنت
والولد ولد
والمجتمع شرقي
والاخ رجل والاب رجل وابن العم رجل والكل تعتبر هذا الشي من قبل البنت مسيء لرجولتهم
ارجو ان اكون اوجزت واضحت
شكرا لك

لالالالالالالالالالالالالالالالالالالالالالالا
اني ضدج وضد كلامج يا زوزو الورده الى متى تضل البنت تعاقب على شئ خارج على سيطرتها من قوتها ومن بنيتها انا اخالف رايج على ان المجتمع شرقي والى اخره الى متى نبقى شعب جاهل ( مع احترامي للجميع )ونضع حدود للبنت ولا توجد نقاط حمراء للرجل اذا هناك اخطاء موجود في دستور مجتمعنا انا لا اويد البنت في كل شئ ولا ايود الرجل في كل شئ الجميع بناء على خطأ
في احدى القنوات التلفزيونيه العراقيه ( برنامج الو وليد على قناة السومريه ) طرحوا بعض المشاكل المجتمع العربي عند وصول الى حريه الرجل والمرأة كان احد المتصلين قال ( اني حارم اختي من الخروج والموبايل ومن ...... الى اخره من الادوات المتطورة حتى وصل في كلامه قال اني حارمها من صديقاتها للتواجد في البيت
اذا اين حريه المرأة وافعالها واساسها في المجتمع
ذهب صوتها واندمرت في زمان ليس له نهايه
طبعا اشكر بنوته سوسو انتي سبقتيني بطرح هذا الموضوع وعاشت ايدج
اني اشكرج واشكرك جهودج
طبعا اتمنى من الاعضاء طرح افكارهم ورأيهم وهذا الموضوع حيوي لانه احد المشكلات الرئيسيه في المجتمع
اكرر شكري الى بنوته سوسو
وصرت ممل لان اهوايه لغيت اعذروني

عزيزي المجتمع هو المجتمع
لا اني لا انت ولا غيرك يكدرون يغيروة
ماكول مجتمع ذكوري
لان هاي حقيقة
لكن اكول احيانا يكون للبنت
مجتمع قمعي ومااتصور اكو اخ او رجل يسمح لاختة او القريبة منة ان تكون عدها تصرفات او علاقات خارج عن المالوف بالمجتمع لان اول شخص يكون هو المعاب والناس لا ترحم
شكرا عزيزي

اول شي اريد اكول مشكوووووورين على اراءكم وايطالي اذا يعجبك اخذ الموضوع كدامك ههههه

بس مثل ماكالت زوزو يعني مجتمعنا عمرة مراح يتغير ومااعرف وين العلة ؟؟؟
يعني من المعقول تنحرم البنية من كلشي حتى من زيارة صديقاتها؟؟؟هذا تعقيد وبهالحالة البنت راح تسوي امور غلط وبدون علم الاهل وحتى اذا مو غلط حتسوي لان (كل ممنوع مرغوب)واللي يفهم ميمنع بنت من شي لان كلشي يكدرون يسوون البنات خو كدام عينك تسوي احسن من ما وراك
وعلى كولتج يازوزو مراح نكدر نوصل لنتيجة لان محد حيسمعنا واحنة مدنكول تسوي علاقات عن خارج المألوف بالعكس احنة دنكول ليش البنت ماالها صوت !!!!!!!يعني قابل احنة دنأيد الغلط؟؟لالا بالعكس احنة دنحارب الغلط ودنكول لازم يكون للبنت حق مثل مايكون عليها.......
ومنورة حبي برأيج الحلو ومشكلتنا مجتمع عربي نبقى مثل مااحنة وهذا شي مو بيدنا
ايطالي مشكووور على تشجيعك الدائم الي ويارب نكدر نغير شي ياااااااااااااارب وبلعكس انت محجيت هوايا ههههههه

مثل مكالو القبلي
عااشتـ الاياديـ ع الموضوع الرووعهـ يا رووعهـ
تحياتوو & جلاموو

مشكورة على الموضوع الرائع
بس احنه عدنه هنا الاعراف هيه السائده
مو الدين والكل يعرف الدين ما يفرق
بين الرجل والمراة ونشوف العقاب نفسه للطرفين
ماكو تفريق يعني هسه عدنه العرف الي ماشي
وهذا العرف فاسد لازم الولد اذا اخطأ فتكون عقوبته
نفس العقوبه الي تتعاقب بيهه البنيه
وگال الايطالي على هذا الولد الي متصل بقناة السومريه
هذا اكيد مريض او متخلف

[ندعوك للتسجيل في المنتدى أو التعريف بنفسك لمعاينة هذا الرابط]
مشكورة حبي داليا ووصلتنا فكرتج ههههه انتي الروعة يا احلى عسولة
[ندعوك للتسجيل في المنتدى أو التعريف بنفسك لمعاينة هذا الرابط]
والله الصراحة يا حشاش هاي مال الاعراف مافهمتها شنو يعني قصدك العادات؟؟؟
اي اني هم اكول متخلف عقلياااااااااا مشكوووووور

مشكورة على الموضوع

الدين ما فرق بين الرجل والمراة في هذا الامر
لكن احنه تركنا ديننا ورضينا بالعادات (حلوها ومرها)
العادات تعتبر غلطة المريه جريمة
في حين غلطة الرجل هي هفوة او طيش
المجتمع هو رب من الارباب التي نعبدها من دون الله
لا يجوز اغضاب الرب (الا بالسر)
هذا الواقع
تحية طيبة

مشكور ابو عامر على رأيك بس احنة المجتمع ليش مانغير نفسنا حتى يتغير الممجتمع لان احنة اللي دنكونة بتصرفاتنا

صحيح كلامج (جزئيا ونظريا)

بس جوابي كان على سؤال الموضوع
وآني افترضته استفهام لغرض معرفة السبب ولهذا جان ردي الاول طبقا لهذا الافتراض
بس من ردج افتهمت انو هو استفهام انكاري يعني يستنكر هيجي تفرقة
وآني هم استنكرها ويعجبني اكون واحد من اللي يغيرون الواقع

لكن مسالة تغيير المجتمع شي صعب
يكاد يكون مستحيل
لحد يكولي احنا الي نكون المجتمع صح احنا الي نكونة
لكم هاي مسائل انغرست بينا وباهلنا وبافكارنا
الولد ولد والبنت بنت
والحقيقة وقد اكون تشعبت اكثر بالموضوع اني ضد حرية الي تطالب بيها المراءة ومااعترف بيها نهائيا
لست برجعية لكن ان كان رايي هذا يجعلني في خانة الرجعيات
فانا رجعية وبكل فخر
عموما
اراءكم كانت حلوة
والكلام النظري سهل
والعملي يكاد يكون مستحيل
تقبلو مروري

اي عيني بنوته الاعرف هيه العادات والتقاليد

مشكورين على اراءكم وصدك التنفيذ كلللش صعب ممثل ماكالت زوزو
بسبب واقعنا المريررررر

والله الموضوع من الناحيه الدينية

يقضي بتساوي اشد عقوبه

على الذكر والانثى

هذا ما يقوله الدين

اما ما يقوله المجتمع

انه المرئه هي التي تتحمل المسؤليه الكبرى

ولاكن

المجتمع العراقي ايضا يحوي على طبقات

فهناك من يغفر من للبنت فعلتها(نادرا)

وهناك من يحاول سترها وتزويجها باسرع وقت

وهناك من يقتلها على الفور

ونرى الكثير من الناس من يترك منطقته وربما حتى مدينته

خوفا من كلام الناس

لانه تربى على شيئ والمجتمع شيئ اخر

فنرى انه كل وتربيته وطريقه حياته

ومجتمعه الصغير(منطقته_ مدينته)

هيه الي تحكم تصرفه

مو بس بهذا الجانب وانما بكل جوانب الحياه

واحنه ما بيدنه شي نسوي ومرات تكون مجبور على تغيير قناعتك

فقط لارضاء المقابل الي هوة مجتمعك

اما اذا تنطي ضهرك للمجتمع ومتأبه بي

تكون منبوذ وغير محترم من اي شخص الا القليل والقليل جدا

فما هوة الحل

لا يوجد حل غير التسليم للمجتمع

او محاوله تغييره

وهوة اشبه بالمستحيل كما ذكرت زوزو

واحب اضيف شي
انه بسبعينات القرن الماضي
(حسب حجي الناس الاكبر مني)
مجان المجتمع هيج
وجانت البنات تلبس تنانير فوك الركبه
حتى في اكثر المناطق الشعبيه
حيث كان الفكر الماركسي هوه المسيطر
ولاكن تغير الحال بعد ضهور التيارات الدينيه
واصبح على ماهو عليه الان
وما اريد اضيف اكثر من هيج

واعذروني ع الطالة

واعذروني لان حجيي مشكل بالعاميه وبالفصحة
لان اكو شغلات ما تنحجي بالعاميه لازم تكون فصحه

تحياتي لكم

صحيح جان لبسهم يختلف عن هسة ولما نسأل اهالينا هسة يكولون جان الزمان غير
زين شنو اللي تغير؟؟؟
مشكوووور حديقة على كلامك الحلو منور والله

بالبداية الموضوع كلش حلوو

ثاانكس

بس من رائي

مجتمعنا ميتقبل البنية تخطا واذا سوت اي شي تنتقد وتوصل المعلومة

ميت بشر وبشر

وبصراحة اني اشبه البنية تحفة فنية او زجاج

اذا انطخ ينكسر وبعد ميترجع

هذا رئي

ام الشاب

لو يخطا ميت خطئة ماكو احد يحاسبة ومن يزوج يختار احسن بينة

والبنية من تخطا بعد شيزوجها ههههههههههههههههههههههههههههه

بس اهم شي المجتمع ابد ميتقبل هاي الفكرة

(البنوتة SOSO) كتب:: صحيح جان لبسهم يختلف عن هسة ولما نسأل اهالينا هسة يكولون جان الزمان غير
زين شنو اللي تغير؟؟؟
مشكوووور حديقة على كلامك الحلو منور والله

الي تغير انه دخلت التيارات الدينيه للمجتمع

بعد ما كان المجتمع علماني بحت.

عاشت ايدج سوسو حوش حوار
اول شي الموضوع مهم والمشكلة انو ماكو اي شي بهذا المجتمع يتساوى فية الولد والبنت بكل شي يفرقون ومثل مكالوا حشاش كوكائين وحديقة وابو عامر القادري والايطالي عاشت ايدهم تفرقت الناس هاي مو من باب الدين
مع احترامي الج زوزو مع انو حجيج كلش صحيح بس اذا محاولنة ومن البداية كلنة ماكو فائدة بحياتنة مرح نوصل لحل ومرح نكدر نحقق الي بداخلنة واذا تجون للحقيقة ترة ثلاثة ارباع هاي الناس رافضة هاي التفرقة زين يلة خلي نحاربهة ونخلص منهة الى متى رح نظل نسكت ونكول شسوي؟؟؟؟
سوري لان طولت عليكم واتفاعلت شوية زايد عن اللزوم بس الموضوع يستاهل
تقبلي مروري

بلااك والله كلاااامج مضبوووووووووط بس منووو يطبق مثل مااكالت زوزو التطبيق جدااااا صعب صعب

» لماذا اخطاء الشباب طيش؟واخطاء الفتاة جريمه!
» ادخل وانطيني رايك لان موضوع نقاشي
» لماذا صوتك يغتالني لماذا ؟!؟!؟!؟!؟!؟!؟!؟
» لماذا احبــــــــــــك
» هكذا تكون الفتاه عندما تجرح