فك باب الفرج

فك باب الفـــــــــرج وينك يمفتاح
نبقه اليـــــــاوكت صفنة مساجين
امس ذبحو فرحنه كبال العيــــون
وصــرنه ادموع بعيون المساكين
السواجي اذبحت دفنـوهه بسكوت
ومشه بطوله النهر بس للسلاطين
عطاشه انـــــام بس مانكدر انكول
وشربنه ادموعنه من شفت العين
اخدود الكاع كلهه انزرعت ارماح
خـــــافو لا يخضر راس الحسين
تعال وشوفنه كل احــنه بهـلول
على هارون نتظاهر مجــــانين
صليب السان بعض الناس ياحيف
وعيسى انصير بس انغمض العين
اهوي من الفتن نشروهه الاجناب
وعلينه اردود ردت فتن صــــفين
كبر طـول اليباس وشاخ عالكاع
وبقه بجفوفه يذبــــح بالبساتين
اشوكت نفرح بجيتك يالهوه الهاب
مر بينه بعجل خنكتنه الســـــنين
اشوكت يلتم شملنه بــــلا خلافات
وتحل المشكله هــزت الفنــــاجين
لان لمن تجــــــي مايبقه طاغوت
يريــــد بحبل كـفره يشبك الديـن
عدنه ايمان بيك اتــــــرجع الفات
ونأمن بيك تكــــــــدر تحيي ميتين
تفرج وان ضاقت ماتضل هيــــج
بضهورك تنكطع روس الثعابـــين

لاتبخل بالرد اذا اعجبك الموضوع

مشكورين ورده على القصيدة

مشكوووووووووووووور حبي

عيوني آني بخدمة الحشاشة

مشكورين ورده على القصيدة
نريد بعد

مشكورين

بخدمتكم حبايبي انتو