معاناة طالب عراقي

خلص درسي وأجيت وبيدي الكتاب
وبنص الدرب صارت معارك
بين اخوان اليه واني محتار
ألمن افزع ويامن اعارك
عراقين كلنه اولد العراق
واليكتل أخو ما ظنه دارك
ولجل يوگف يوادم هذا الاقتال
طگت غيرتي اولازم أشارك؟؟؟
صرت بالنص عليه انهال الرصاص
وبصدري أجن كل الرصاصات
المنع طلقات ذوله اتروح لهناك
ومن ذولاك صد هواي ضربات
گلت خل اني اموت وهمه يبقون
بلكن موتتي اتحركلهم الذات
وترد طيبة گبل للنكرو الطيب
وطشرتهم فتن هاي العصابات
طحت عالگاع لكن أسف هناس
تتقاتل بقت ما همهم المات ؟؟؟
صح اني طحت عالگاع مكتول
بس حي الكتاب ابأيدي باقي
ظل ابچفي باقي وچفي ظل بي
ما هده لأن الكتاب راقي
ولأن بي هالكلام انذكر يا ناس
عدل يبقه الكتاب الكل عراقي
أسم الله أول صفحه مذكور
وبنصه انذكر خوذه ونطاقي

حبيبي قصيدتك جميله وان شاء الله كلنا اخوان عراقيين وهذه التفرقة الي جابوها الغرب ما تبقى بأذن الله كولووووووووووووووووووووو امين

عاشت ايدك القصيدة حلوة وانشاءالله تعقل الناس حشى الزينين

تسلموا وتعيشون عمر النسر

الله كريم

روووووووووووعة
يسلمووووووووو