هل تقبل بان تحضر زواج من تحب؟

تذكير بمساهمة فاتح الموضوع :

اليوم جايبه سؤال يحتاج اجابه ممكن البعض عاش الفكره بواقعه اللي ماعاشها حط حالك بالموقف وحاول تتخيل

هل تقبل بان تحضر زواج من احببت .!؟

بعض الأشخاص لهم قصة حب عاشوا فيها

وتعايشوا معها بكل تفاصيلها واحداثها

ضحك منها ايااااااااام

وبكى منها بعض الاحيان

وسعد بهاااا وحلق في عالم المحبين ايام وليالي

ورسم خطوط للحظات اللقاء
وكتب فيها أجمل ماقيل بالحب

وخط على الورق الشعر والنثر للمحب

ولــــــكن ......!!!

البعض ختم هذه القصه باجمل النهايات

والبعض انتهى حبه بالفراق

وبزواج الحبيب ... من شخص اخر

أو بفقدان الامل من الزواج بالمحبوب

سؤالي هو؟؟

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟

وبرر موقفك اذا رفضت واذكر السبب اذا وافقت الحضور

اروح اقتله و وراها اقتل نفسي
شكرا على السوال

ههههههههه عفية خوش تسوين
منورة فلبي

اني بالنسبة الية اروح صح راح اهتز ومااكدر اتحمل وراح انهار وابجي ومن هالشغلات بس هم لازم اوجه نفسي بالحقيقة الي راح تكون اكيد مرة بس لازم اواجه واقعي واحاول انساه نهائيا وابني حياتي من جديد لانه مراح تنتهي الحياة اذا مو وياه وشكرا الج حبي على مواضيعك الشيقة

منوووووووورة حبي
وتسلمين على رايج الصريح

واللللللللللة لو اموت مااروح غير اذبحة هو والعروس

هههههههههههههه والله سوال اني بالنسبة الي ما اروح احسسسسسسسسسسن

ههههههه احسن منووووووووور

اراقب من بعيد
يعني ما اشوقهه للحبيبه
لان هذا يجرحني كلش
وقد يجرحهه فرحمة بحالها هم ما اروح

لو اموت ما اروح لان اذا رحت اسوي جريمة لو اقتل العريس لوهية لان خانت حبنا

[ندعوك للتسجيل في المنتدى أو التعريف بنفسك لمعاينة هذه الصورة]

اسويه ضلمه عليهم لالالالالالا جذب تره مو تصدكون اروح لهناك واركص واأهز جتف واهز ركبه وشعر للكاع واشرب البسيبسي واكل اللفه واجي

تحياتي كروموسوم

منوووووووووورين عيني بردودكم الحلووووووووووووة :خطيه تحب:

هلو .....

طبعا اني جنت مسافر ولهناك وصلي الخبر انو البنية انخطبت لابن خالي وورة اربع شهور اني رجعت من السفر .

طبعا اول ما طبيت بيتهم شفت العينتين خطيبهة كاعد يتريك ( زقنبوت مر ) وهو اتفاجئ للموت وصار وجة اصفر وهو بليا شي اصفر كركم عبالك بريعصي متبرع ابطل دم ...

اتباوست ويا وطبعا ردت اعضة من لوزتة واكتلة خلاص ..بس لزمت نفسي لان ابوية كاعد ..
وهية اول ما درت انو اني اجيت طبعا ورة نص ساعة يالله طلعت ..( والله جانت تبجي امبين علة اعيونهة حسب ما كلي ابوية لان اني الصراحة مباوعت عليهة ابد وما رفعت راسي ابد ابد) لان ما اكدر اخلي عيني بعيون خاينة المهم ورة ما شربنة الجاي طلعنة . علة فكرة اني ابد ما باركتلهم ابد ابد لا هية ولا لاهلهة .

وراها بكم يوم عزمونة اهلهة علة غدة ...راح احجيلكم اشلون صار هذا الغدة الجحيم ..
اول ما طبينة هية جانت امبدلة ولابسة اللون الي اني احبه وخاله مكياج مو طبيعي ( حسب ما كالتلي اختي ) والعرض واحد .

هية عبالهة انو اني بعدهي نفسي بيهة يعني ( عبالهة اجي اخطبهة ) والله لو يجي الحر من الزبير .( بعديش بعد خراب البصرة )
المهم صبوا الغدة ...اووووف عل غدة ..لكمة سم ولكمة زهر ولكمة قهر ولكمة مرض لحد ما خلصت الماعون وفخذ الدجاج الي احبه ..لان هية جانت كاعدة اكبالي ..بس اني اشسويت كمت اباوع علة التلفزيون الي جان وراه ..ولان اختهة الصغير خالتهة استخبارات علية .طبعا كل اهلي باتوا لان بيتنة ما بي اي غراض بس الي جايبيهن ويانة ( تريلة غراض بس ) والله لو بايت جان ايكعدون الصبح ايدورون علة بنتهم ما يلكوهة ( ايكلولي سيف وينهة ..اكللهم اكلتة نية ) .هههههه

ورة شهرين دزونة بطاقة دعوة بنقابة المهندسين الكشرة ...طبعا اني ابيوم الحنة مالتهة بايت ابيت نسيبي بالاعظمية و ورة اسبوع يالله اجيت لبيتنة العزيز ..

والله ايكلولي هية كضت العرس كلة بجي ببجي وحت بالقاعة تضحك وهية مخنوكة و ولا كلمة حجت وية العينتين زوجهة ..

شكرا علة صبركم وياية ادري اني طولت بس هية هاي القشة التي قسمت ظهر البعير

نصيحة اخ مر بتجربة مؤلمة جدا جدا جدا الى كل الشابات ولشباب الحبجية حصرا
يعني جماعت كاظم الساهر واصالة ونصرت البدر !!!
(((( لتحب انسانة انتة تعرف مراح ينجح زواجكم ابد ابد ابد ))
يويل بوكهة من اهلهة ؟؟؟؟؟؟؟؟؟؟

وللبنات اكول (( اذا انتي حلوة وبت عائلة ومحتاجة اتكضين وكتج وية شاب هم حلوا وبسيط

فارجوج ارجوج لتخلي يتعلق بيج وتموتي عليج وتمثلين الحب وانتي تعرفين انو راح تتزوجين غيرة فيوم من الايام ))..

باي!!!!!!!!!!!!!!!اخوكم سيوفي لحديقة ( ابو صابر) .

طبعا اني ابد ما بجيت الحمد لله .....بالعكس ضحكت لان الزفة صارت بيوم مترب كلش كالوا هاية لعنة سيف هههههه

والوردة الي خاليهة علة سيارة العرس طارت بالطريق وهذا فال مو زين ابد ابد والتراب هم ..

كافي تعبت ....شكرا من كل كلبي لكاتبت هذا الموضوع الي ايدك بالعظم للي امجربة ...

والله انتة خطية اللله يساعدك وتلكي بنت الحلال الي تستاهلك
هههههههههه همزين الجو تراب هاي حوبتك ههههههههه\منور على الموضوع والله لايشوف احد هيج مواقف

[size=18]ههههههههههه لا والمشكلة اني احلة منهة بمليون قاط ...ولو الرجال ميصير يكول اني حلو بس اشاسوي علة كولت ابو المثل ...ايكول ......رضيت بالشن والشين ما رضة بيه.....

بس الواحد ايكول ما ايكولون الناس علية ....عل عموم ثانك يو فري ماج علة هذا ارد الحو واتمنة واتمنة من رب لعالمين ان محد ايوف كل انسان حباب ويخاف الله هذا الموقف الصعب ...........والله لو اريد لاسوي حياتهة جحيم بس المشكلة اني اخاف رب العالمين الي هو قادر علة كل شي ......[/size]

ههههههههه اي والله صحيح مثللك
وخلي عقلك جبير وعفهم الله يجازيهم
شكرااااااا على مرورك

» الدين ...هل تقبل بأن يحشر في كل شئ ؟
» موظوع زواج
» زواج البنت الاصغر
» زواج البائر والمعطلة 004917637777797
» زواج البائر والمعطلة 004917637777797