الفتاة ( المتدينة ) غير جميلة .. الشاب ( الملتزم ) معقد ..؟؟

كثير من الشباب لا يرغب الزواج من (الفتاة المتدينة) المحترمة ويتخيلون انها لاتملك نعومة ولا انوثة ولا عواطف ولا رومنسية وانها متحجرة ومتأخرة ولا تعترف بالموضة وغير جذابة .. واصبح هاجسهم الفتاة التى تتغنج وتتمايل ومنفتحة
وهاجسهم الاكثر شبيهات المغنيات والممثلات وفتاة الكليبات ومن على شاكلتهن .. وللاسف نسوا دينها وخلقها ..

كثيرا من الفتيات .. لاترغب الزواج من ( الشاب الملتحى الملتزم ) دينيا الذى لايعترف ولا يرغب دخول منزله التلفاز والاستريو الطربى ولا الانترنت ولا يرغب خروج الفتاة الى الاسواق الا للضرورة ومتحشمة من راسها الى ارجلها ( اكرمكم الله) ولا يعترف بدلع الزوجة واغراها باللبس .. واصبح هاجسهن بالشاب ( الانفتاحي الديمقراطي) بكل ماتعنى الكلمة ويحب السفر وتدليع الزوجة ..الخ

هل تتنازل الفتاة عن حياؤها واخلاقها ... حتى يرغبها الشباب ؟؟

هل يتنازل الشاب الملتزم ويصبح دمقراطى .. حتى يرغبنه الفتيات ؟؟

اتمنى النقاش حول الموضوع والحلول ؟؟؟

بالبداية احب اشكرك على طرحك هذا الموضوع الي يشكل جزء من مشاكل الوقت الحالي

مع الاسف انه معظم الناس يعتقدون انه الديانة هي جزء من التخلف
بالعكس لما الواحد يخاف من الله و يخلي ربه بكلبه و امامه بكل شي يسويه .... فبهاي الحالة راح تستقيم حياته و يوفقه الله تعالى

اني بالنسبة الي محجبة و الحمدلله بس هذا الشي ميمنع انه اكون مرتبة و انيقة و مستورة بنفس الوقت

و كذلك مرنة بتعاملي و احجي وية ولد و بنات و طبعا بحدود و بأدب لان الاحترام واجب بكل العلاقات الاجتماعية

و هي هاية شخصيتي مراح اغيرها ابد و ميهمني اذا نلت الاعجاب او لا لان اكيد الناس الواعية العاقلة هي بس راح تشوف شخصيتي موزونة و زينة ان شاءالله

و اني بصراحة ماحب البنات و الولد الي يتمايعون بتعاملهم و الي مع الاسف هواية ناس يتصوروها طريقة لجذب الانتباه لان بصراحه هالشي يخلي الشخص يفقد احترامه

و بنفس الوقت التزمت محلو همين و يخلي الشخص منغلق على نفسه

يعني النقطة الي ردت اوصلها هي انه الشخص لازم يوازن بين كل تصرفاته تعامله و علاقاته و كل شي و بنفس الوقت مينسى ربه و دينه

و اخيرا احب اشكرك مرة ثانية اخي الكريم على مواضيعك المميزة و اتمنالك دوووم الابداع

افضل البنيه المتدينه المثقفه والحمد لله اني املكها

وافضل الشاب المثقف المتدين و اتمنه اكون هذا الشخص

اكره المتدين المتخلف لو المعيدي لان رااااح يصير ارهابييييييييي :4519626a:

mystic_m89 : نعم العقل تمتلكين ... والثقافة التي فيك من أروع ما يكون ... وردك وأسلوبك بهذه الطريقة العصرية المرنة لا يوصف ببحر من الكلمات الجميلة ... الله لا يحرمنا من هذا الكلام الموزون الجميل ... دمتي بود عزيزتي ...

شاب اخر زمان : منور حبيبي الغالي دوماً تزين مواضيعي بردودك الروعة يا روعة ؟؟؟

الانسان او الانسانه لازم يكونون متدينين ويعترفون بدينهم
بس مو بتخلف واكثر من الازم

يعني اني ارغب بالشاب الي يخاف من الله ومتدين بس مو اكثر من الازم يعني مو مو معقد ويحاسبني على كلشي حته عل اللبس

اني هذا رأي

تحياتي الك يا مومو

بصراحه اني اميل للشاب المتدين واللي يخااف الله بس اللي دتحجي عنه هذا فد واحد متخلف لأن التلفزيون و النت و غيرها وسائل تعليمية و تثقيفيه و ثانيا خروج الفتاة برا المنزل أصبح من مقتضيات عصرنا لأن المرأة همين عدها طموح تسعى في تحقيقه فيعني مو بكيفه يمنعها من الخروج ..و هو عليش يعين يرتبط او يزوج اذا ما يحب يدلع مرته ... طبعا راح تروووح للشاب االمنتفتح... فالمشكله انه المتدينين كامو يحرمون و يحللون أشياء بكيفهم.... المتدين هو اللي يعرف الله بحق ... و بالنسبه للبنيه تحكمها اخلاقها و تربية اهلها لان هسه نلكي البنيه من فوك لي جوه مستورة ما طالع منها شي بس مسويه مية عمله سوده فمو شرط .

مشوور على الموضوع الراقي و الواقعي و الجميل ... تقبل مروري و أخلص تحيااتي

سأكتب ما تقولون في دفتر ذكرياتي حتى تكون هذه الأيام معنا مهما حدث ؟؟؟ منورين الحبايب والغوالي ؟؟؟

» الطريق الى قلب الفتاة مهم للشباب
» هل تتزوج الفتاة التي تكتب في المنتديات؟؟؟
» لماذا اخطاء الشباب طيش؟واخطاء الفتاة جريمه!
» ماذا تريد البنت من الشاب عند خروجها معه؟؟؟
» منو اكثر بالسمعة تأثيرا الشاب ام البنت؟؟((سؤال محيرني))