بارد من اشوفك
بارد من اشوفك هذا طبعك ليش
ولا شوك انة احسة بنظرة عيونك
وانه المحروك لاجلك من الجدم للراس
واريد النارتطفة بظمة متونك
مثل خيط الشمع اتلوة بين النار
واطيح رماد اطفة بوسط ماعونك
صرت منك جزء بس ردت ارضيك
ولا مرة اجيت وكتلي شلونك
بيا صورة وطريقة بكلبك اشعل نار
وانته الكون كلة ما يشعلونك
اخاف ارمش دقيقة وبعد ما اشوف
ولا اشوفا نظرتك رمشة جفونك
قانون و تبعتك دون كل الناس
ترد انته بجحود وتلغي قانونك
بعت كل الخلك وجيت انه شراي
عفت امي وابوي وصرت مجنونك
ولاجلك جذبت كل الحجوه الناس
من كالو اتركه لا بد يخونك
وبلحظة الاجيت انه وحجيت وياك
كتلي اصحاب نبق وظهر مضمونك
ظهرتلي الحقيقة بكل الاوصاف
بين معدنك ونكشف لونك
ومن ذيج الدقيقة قررت انساك
لان الكون بيه اهواي يسونك
2024-06-14, 2:01 pm من طرف سنااء
