بيه شوك يعتني ليك
وبيه ضحكه أعله الجدم ..
نكلة طفل من يعتنيك
وبيه دمعه اعله الكلب
شالت حزنها وغيمت رادت تجيك
ومطرت اعله خدودي دم ..
بلون وجه المستحه
ولمتها اديك
وشتهيتك ... ياحزن بكليبي نام
وعطش روحي المابرد
من يرتويك
اشتهيتك ... ساعه الكطعو وصالك
والكلب نام بامل ظل يرتجيك
ادري ماتت ذكرياتي ...!!!! اباب عينك
والحزن خيم عليك .
وأدري جمر الشوك مايسعر لهيبه
بنص دليلك ..
لان روحي أمن أنطفت سولتها بيك
انت سويت العليك
هاك أخذ من دمعي قصة
وارسم الفرحه البجت من عيني
وهاك فك باب الكلب شوف
أنت بيه ...راح تلكه كليبي
انت ...وأنت ماتلكيني
لان روحي الحبتك معجونه بيك
ومانميز انه لو أنت الجسد يحويني
وهاك .. هاك الليل
خل يحجي اعله كيفه
وخل يسوفك عنك شتحجيني .
تغير نص ثلث ترباع فكره وصبح ناسيني
وهاك شوف الحيره وصلت للجدم
خطوة تتبع خطوه ويصيرن مسافه
منين أجيبلك جدم يمشيني
وتاهت أعليه الدروب .. ودربك الواضح
تظن يلكيني ؟
يعني هي الحيره ((قاسم مشترك )) مابينك وما بيني
أنه دنيه من العشك مليانه خوف
وأنت معبد لليتوب وراهب الحب
بالنصح وعيني ..
وأنه نكلة جدم بجروح الدروب
وأنت سجة مستحيل ونورك البيها
شكثر يغويني ..
وياصراط الحب وأله العاشكين ..
روحي كفرت بالمحبة ورادتك تهديني
مودتي للجميع