عمري وحياتي

]قصيدة كتبتها وانا قد جذبت قلبي اغنية الرائع حسام الرسام (عمري وحياتي) وقد كتبت هذه القصيدة بعنوان عمري وحياتي اتمنى ان تعجبكم تحياتي لكم



الشاعر احمد المسعودي

(عمري وحياتي)

انت عمري وحياتي البيها عايش
وافديها بل الروح بس هيه تحاجيني
جنت ميت بس جسد عايش بي
غزت كلبي بعشكها وهيه تحييني
ضحيت واضحي لاجلك ياملاك
ولاجلها الم وهموم تتحمل سنيني
جم احبيبه عندي هيه وحدة ياناس
وطاح حظ الحياة اذا عنها تلهيني
تعيش وياي وتنام وياي
وشوفتها تفرحني وبعدها يبجيني
يم كلب الحنون الكله اشواك
تعبان والحضنج الدافي ضميني
اصيرن طفل بحضانج مشتهي النوم
وانسه الدنيه كلها
لو بحضانج تنيميني
ومن تفاح خدج اخذ البوسات
ومن عسل اشفافج الحمرةترويني
انام برغد بحضانج وارتاح
وايام الحزن والغربه تنسيني
احبج وتظل وياي بأخر الانفاس
واذا جتني المنيه اريدن بدموعج تغسليني
********************************
طيوفك علي توالي الليل مرات
وعكب هجرك ضكت شكثر مرات
تفرحني مرة وتبجيني مرات
وعيوني من البجي طاحن بديه