لو بس حمره ممكن تنطفي هالنار
كان اتوسلت ارجوج امسحيهه
بس كلج اثاره من الجدم للراس
يا قطعه الي ما تشعلني اخليهه
من اعلى الشعر يبدي السفر وياج
وباخر اصابع رجلج انهيهه
من الوجن قصه وبالخدود ابيات
والشفه قصيده انكتبت اقريهه
والركبه استراحه يطيب بيهه النوم
جسر من العقيق تجمعت بيهه
اذا للنور معدن هيه معدن نور
من نور الجنان بلهفه ظويهه
من تنزل لصدرج ما يحدهه حدود
نفس النور جمعتهه وتواسيهه
بياض الثوب ظايع جنه ما ملبوس
حسبالك نسج شفاف مر بيهه
لا تلبسين ابيض بعد ما مسموح
ما خايف عليج الناس تبليهه
يظنونج ملاك ونزل ويكفرون
واحسبي كم نبي يحتاج يهديهه
وبعد ممنوع ذره تطلع من الساق
عقول الناس عمي ليش تسبيهه
اهلج مبتلين يعينهم الله
يحتاجون فيلق حتى يحميهه
احسن شي اظمج ما تشوفج ناس
وخل تحجي وتكول الناس شعليهه
اكللهم حبيبي ومني اغار عليه
وشحده الي يقرب خطوة ليهه
حتى اني من اشوفج كون اغمض العين
بس العين ما تقبل وتعصيهه
تكول شبيك ظالم ما تريد نشوف
لعد المن خلقنا الله ادريهه
واذا حتى عيوني تخالف ومتريد
لعد جسمي البقى بيا حجه اسليهه؟؟؟؟؟؟؟؟؟؟؟
2024-05-05, 3:12 pm من طرف سنااء
