عجايب هالزمن والله زمان الحرب والويلات
زمن تلقى الأسى والضيم والأوجاع بدروبكـ
وألأعجب فيه ناس هم بشر لكن لهم نيات
ورب الكون يعرفهم وتعرف أنت بأسلوبكـ
إذا وقت الرخا تلقى محبينكـ على الطرقات
يحيوٍنكـ ومقصدهم على اللي مالي جيوٍبكـ
لهم بسمات مصفرة نفاق وزور هالبسمات
وإذا تقفي يسبونكـ ومنيتهم يضحوٍ بكـ
وإذا تقبل ليالي سود وأيام بها شدات
يخلوٍنكـ بوسط الريح محدن شاف مطلوبكـ
هذولا حبهم زايف ومتلون كما الحيات
مصالح في صداقتهم وما به يوم حسوبكـ
وعكس اللي سبق تلقى رجال سطروا صولات
إذا ماجارت الدنيا يمينه مدها صوبكـ
محبتهم بدون خداع مايدور على الزلات
يعدد في مزياتكـ ويستر أصغر عيوٍبكـ
ولو ماجيتهم قالوا صفات الخير والطيبات
وإذا أقبلت قاموا لكـ وباحلى القول هلو بكـ
ألا ياصاحبي الحيران كرر في البشر نظرات
تفرس في وجيه القوم واختر يالغضي ثوبكـ
نصيحة من أبوٍي تقول واوصاني بها مرات
رفيقكـ اعرف طباعه قبل لا يصير محبوبكـ
2024-05-05, 3:12 pm من طرف سنااء
