((هذا حدي))
والشعر مليته وجزعته
وهذا حدي هذا حدي
من العشق ياناس توبه
وما اكول للروح ردي
جنت اضن جوري الزرعته
وتالي ما صح غير بردي
والله جافاني الفرح
من يوم العفت العراق وجيت وحدي
والدمع صاير خناجر..بيه يجرح
لو غفل سال على خدي
والجروح شما المن بيهن يزيدن
واجروحي من نار العشك
يا ناس تدي
قسمه هذا الصار بيه
ولا اضن ابغيري يسدي
جنت اضن احضه بوصالك
ثاري بس اوهام اجني
وحلم وردي
اويه الزمن شنهي الجنيته..
وخله هاي الناس كلهه تصير ضدي
صدي يادنيا لعذابي
وعلى الجروح ارجوج صدي
ومرعدي بروحي على كيفج
وبسجاجينج غفل بعظامي ابردي
كلبي صابر وابقه اكابر
واقبل اوياج التحدي
زيدي يادنيا
كْلبي ما صدك لكيتي
ولا اضن تلكين بعدي
ما ياثر بيه جرحج..عادي صارت
والجروح هواي صارت
والجروح هواي عندي
وكلمه وحده وهل كلتهه
اتوبه يادنيا العشك
هيهات ردي..هذا حدي
2024-05-05, 3:12 pm من طرف سنااء
