محاورة شعرية بين رجل فوق الخمسين من العمر و فتاة في ريعان الشباب و يارب أتنال رضا أذواقكم العالية
هو:-
ريت الشباب يعود وأتــــــعنا لأهلج
و كون الخوات هوايا وبيهن ابدلج
هي:-
يــــــــا جدي وكتك راح و النفس خضرة
فشلة الحجي اعلى الشوك للكاضي عمره
هو:-
ياترفه خضرة الروح ليش التعدي
آثرت بيا هواي كلمة يا جدي
هي:-
لاتزعل على الريم لو نفــر منك
دور على التهواك من كبر سنك
هو:-
أدري بقطار الشوك مر وجزاني
ودارو عليه أثنين شيبي وزماني
هي:-
أبطيبة أحجي و ياك و بحسن نية
و أنتا اعرف وما أريدك تزعل عليا
هو:-
12 ساعة الليل و عندي 12 عام
ما أقبل بفراكج و أقبل بالاعـــــدام
هي:-
مو بيدي صـــــــدك ما ترهم اكثر
و انتا تعرف زين ما يرهم العمر
2024-11-03, 12:31 pm من طرف شروق محمد
