اجمل الشعر العراقي

موضوع: اجمل الشعر العراقي 2008-03-03, 10:40 am

مطر

مطــر مايســوَه المطر

أصفن إسنيـن العمـــر

ما مطــرَن أيــامَكْ علَيـــٌـــه

ومن جريــب إتعلمـٌيت الناس سَمـٌيـتك

مطـــر

مثل المطــــــر

لملِميـتْ الروح قدٌاح الحديقه الغاد من النوم

حظـٌرت السطح

وبدمعي جٌـــواٌني المنــاطـَر

جـَنها مطرت مثل كذبـاتكْ أمس

زخـٌات مابيهاش يحبيٌبْ مطر يـِسوه المطر

شَكَكَتْ كل الكتبته

ورٌقيــته إبعَذب ريــجَكْ

دفتر إيناغيــك من إزمــان

مايرضـاش واحد غيــرك إيوَرٌقني

من كل البشــر

صِـدِكَ مطرت

!! لكن إحنه ولارذاذه وخضـٌرينه

وباجر إيشوفون فوكَ السطح

وردة ليـــل

سكتـــه

ومدري شنهي

مشط .. ومرايــه إبوسطها إثنين

ضاعو بوس ما منهم خبــــــــرْ

الام

ضـِلعَكْ منْ رجيـته

إلضِلعي جَبـٌرته وبنيــته

يَبنـي إخذني إلعُرض صدرك

و أحسب الشيب اللي من عمرك جنيته

يَبني طِش العمى بعيني

وجيتك بعين القلب أدبي على الدرب المشيته

شيلة العلاكَة يَبنـي

تِذكر إكتـافي بلعب عمرك عليهن

سنة وجفوفك وردتين على راسي

وبيـك أناغي كل فرح عمري النسيته

يـَبني شوفك يبعث الماي الزلال بعودي و أحيا

وانه ميتة

أبيض عيونك لبن صدري

وسواد عيونك الليل اللي عد مهدك بجيته

وأبنك التوه يناغي الخرزبالكاروك يابني

كَـِتله لاتخاف اليتم جدٌه

كًـِتله يابن وليدي من يجبر على الأيام

تلكًـه حزام ابوك الماطواني وما طويته

تلكَـه منه خطوط اضمهن حدر ضلعي

لحد ما موت بعز على السر الحويته

ياعمد بيتي وكَـمر ليلي

وربيع الشيب والعمر الجنيته

جيت اهزك يـاعمد بيـتي

يكون الدهر ظعظع عظم منك للمِـذَلـٌه للخيانة

وساومت جرحك على الخسة وخفيته

يابني خلي الجرح ينظف

خله يرعف

خله ينزف

يا بني الجرح اليرفض شداده

علم ثِـوٌار ويرَفرِفْ

يَـبني إبن الكلب يرضع من حَليـبي

إو لا إبن يـرمي إلـي خبز البراءة

يابني ياكلني الجلب عظم ولحم

وتموت عيني ولا دناءة

يابني هاي ايام يفرزنهـا الكَـحط أيام محنه

يا بني لا تثلِمْ شَـرَفنـا

يا بني يا وليدي البراءة تظل مدى الأيام عفنة

تدري يابني بكل براءة

كل شهيد من الشعب ينعاد دفنه

وخلي ايدك على شيبي

واحلف بطاهر حليبي

كَـطرة كَـطره

وبنظر عيني العميـــتَه

ان شاء الله يعجبكم [size=29] :144:

:يبيبيبيب:

موضوع: رد: اجمل الشعر العراقي 2008-03-04, 9:33 am

مشكورين وتعيشون عمر النسر

موضوع: رد: اجمل الشعر العراقي 2008-03-04, 6:40 pm

حلو و جميل و تقبل مروري

موضوع: رد: اجمل الشعر العراقي 2008-03-11, 9:08 am

مشكووووووووووووووووورين حبايبي
على ردودكم الحلوة وان شاء الله ما يحرمني من ردودكم الحلوة

موضوع: رد: اجمل الشعر العراقي 2008-03-15, 8:20 am

عاشت ايدك حبي

» اجمل ما قيل في الشعر الفصيح عن الحب
» من كريم العراقي الى نزار قباني - كريم العراقي
» الوزن في الشعر الشعبي
» مفهوم الشعر العربي
» ادخل وشوف شنو هوة الشعر