وداعا

انا علمتك معنى الوفا معلمتكش في يوم تخون

خليتك تحس بالدفا في عز البرد ما يكون

وفي الاخر خنتني استقويت وبعتني وارتحت لما جرحتني

وانا اللي كنت بحبك مجنون

قلي ازاي قدرت تجرح حبيبك

وليه ليه تضيع من ايدك نصيبك

اللي كان ايام زمان في وقت الجرح طبيبك

قلي ازاي اهون عليك

وتخونني بنظرات عنيك

روح الله معك انا مش همنعك الله يسهل عليك

جرحك في قلبي ملوش دوا

من حبك قلبي انجرح وانكوى

ضيعت عمري معاك كان كل همي رضاك اتاريك مش عارف معنى الهوى

صدقت كلامك من البداية

ووعدتني لتكمل للنهاية

وفي نص الطريق نسيتني وياريت لو يوم حبيتني مكنتش واثق من هوايا

كنت قلت من الاول

انك لغيري هتتحول

دلوقت جاي تنهي الغرام طب بقوللك يلا سلام مشواري معاك طول

علمتك تكون مخلص حنون

ما علمتكش تبيع وتخون

خنتني ولعبت بيا ما تمرش فيك الحنية يهون عليك عليك اهون