ابوذيات

هلو شباب هاي ابوذيات اتمنة ان اتعجبكم

ادك عليك ايكول الطلب جاري
وعليك الدمع فوك الوجن جاري
ريتك يلعزيز تصير جاري
وشوفك كل صباح ومسيه

سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه



سألت عالطير انت لو شجرتك؟
سلالة وفه وناصح من شجرتك
مدحتك يم هلي وناسي وشجرتك (شكرتك)
لون ترسل رساله ترد عليه

تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية



بجت روحي بتوالي الليل ونعت
وتذكرت الزمان الفات ونعت
جنت مهيوب هسة اندفع ونعت
تمنيت الموت ولايصير الصار بية



بسك يقلبي وجوز منهم
حبيت بوفه والعيب منهم
غيظ شكد احملت ومنهم
تظل انت الاصل وهم الوطية



وحك القاب والقوسين ودنه
الغيرك مايلف ويدور ودنه
اكربلك ردت بخطاي ودنه
لاجن تبتعد عني بردية

سرح شعرك تهدل صوبي وأنساب
وطفح دمعي على الوجنات وأنساب
أسألك ياهو گلي وياك وأنسب
وتجازي افعالي الطيبة بردية



اسكي ضماي من شفاك وردة
يل خدك جميل اتكول وردة
ردية احوالي يبن الناس وردة
اذا بالبوسة هم تبخل علية



بسك يا فرح وشوكت شفتك
تطوخت بغرامك حين شفتك
مريض انة ودواي بطرف.شفتك
تصل لشفاي واشفة من المنية


مر مره حبيبي ومره دانه
اخذ يسحك بكلبي ومردانه
غديت اخلع قميصي من ردانه
لأن بس العظم والجلد بيه


الكمر ينتظر خدة يهل بي
جمال الكون كلة يهل بي
تمنيتة يصير امًي يهل بي
واعلمة قراية بشفافي وبدية

هذه الابوذية سمعتها من الشاعر الكبير
سيد سعيد الصافي

اهم ووصل عذولي واردمنة
وحالي حال خصرك واردة منة
خدك ردت احوشن وردة منة
بشفاف وسيف لحظك فتك بية

تروح الروح بغيابك واردها
وكتاب جفاك يمدلل وردها
روحي بغيابك يذبل وردها
ماي انته وترد الروح بيه ....


شوصف بيك ماينفع وصفنه
لان ينرادلك كعده وصفنه
كون انته بمدرستنا وصفنه
اذا تاخذ صفر انطيك ميه ....


[/b]

حلو عاشت ايدك ورده والله ابوذيات خرافيه وهاي هديه ابوذيه الك
مره شفتك
اجذب الكال عنك مره شفتك
عسل بشفافي باقي من رشفتك
واذا انه ويه غيري مره شفتك
انتحر بيك واموتك بين اديه

يالايم لا تلوم الروح خلها
عساها تموت بعد هواي خلها
لزم ايدي الطبيب وصحت خلها
الألم وسط الكلب ماهو بدية

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

يسلممممممممممممو

شكرأ على ردودكم الحلوة تحياتي

مشكور حبيبي على الابوذيات

وكع كلبي بغرامك ما تشيله
وجروح شوك البيه ما تشيله
اخابروانته تسمع ما تشيله
ولك هاالروح ماتحل اذيه


معاد الناس كلهم ونته اصلي
مثل غصن بفروعك وانته اصلي
راح اوكف ابابك وانته اصلي
وكل طلقه التجيني ضماد اليه

حلو عاشت ايدك حبيبي مشكووووووووووووووووووور

مشكورين وتعيشون عمر النسر