اجمل الابوذيات ادخل وشوف

احبابي شلون حالتكم بعدنة

شبيدنة والوقت عنكم بعدنة
اذا انتم نسيتونة ترة احنة بعدنة
نذكركم بكل صباح وبكل مسية


انا الصياد صادتني شبكتك
ودخيل اللة شكثر حلوة شبكتك
ادك عليك مشغولة شبكتك
اظن جهازك بس مغلق علية


بفراقك جمر ابجي ونيران
يلي وجهك يشع رحمة ونيران
تمنيت العراق انت واني ايران
وحدودك دوم فاتحهن علية


كلبي احترك من هجرك ولع شاب
وانة المتولع بحبك ولع شاب
دوة الدكتور ماينفع والاعشاب
اطيب بطبت اقدامك علية


عكب شخصك حياتي شلي بيها
وجميع اعضاي صاير شلل بيها
توديلي رسايل شلي بيها
رايد شوفتك ونكعد سوية

مشكووووووور
____________________
زورونا في موقع البطل نور صبري
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

مشكور حبي بس ينقل لمنتدى الشعر الشعبي

شعر حلو شكرا