ياغربه شبيج تاديني.............................وعلى العدال بعتيني
بقلب حيران شفتيني.............................لويتي الايد حلــــــيني
انا المحروم تدريني..............................حسبتي بساع تشريني
الم حسرات قدمتي تغديني...................سهروفراق سويتي وتعشيني
بنهراهات شديتي وشمرتيني..............دحني بيوم شيليني
على بغداد وديني...............................صورها كحلتي و عيني
يا غربه شبيج تاديني........................وتعصرين بدمع عيني
ياغربه الراح مايرجع........................شبابي وعمري وسنيني
يغربه بلاوطن ضليت..........................اهدي الروح يادنيه وتلجميني
بصبر ايوب صبريني..........................وعشق بغداد زيديني
عليها اليوم اخدي الروح وديني.........بشوارعها امر ساعات خليني
عزيزه وياطرف عيني.......................سكتي شبيج حاجيني
اريد وياج ..ضميني..........................لحن افراح سمعيني
ياغربه كم تجوعيني.......................سمك مسقوف بالعشار شبعيني
عطشت هواي عطشيني..................ابدغيرك فراتي ماي يرويني
افر الكون كله ومايكفيني..............ابد ياعراق غيرك ارض تحويني
2024-05-05, 3:12 pm من طرف سنااء
