لوحة العراق الجريح

ابالي رايد لوحة أرسم لوحة ما تشبهه لوحة
لوحة بيهه احساس شاعر ما وگف من نزفه جرحة
لكن اللوحة عجيبه والعجب راح اني اشرحة ؟؟

ارسمت بالوحة أمي تضوي وسط اللوحة شمعة
شو طلع مو امي راسم طلع عين وبيهه دمعة
عين ما ضحكة عمرهه عين بيهه الحزن طبعة ؟؟

ورسمت بالوحة شجرة والورد جواهه داير
شو طلع مو شجره راسم طلع طفله ابنص مگابر
طفله ماتت بس شرفهه حجاب صار اعله الضفاير ؟؟

ونهر بالوحة رسمته وناس احياء ارسمتهم
شو طلع شارع دماء وجثث ما عرفو أسمهم
جثث بيد وحوش طاحت شوهت حتى رسمهم؟؟

وشمس بالوحة ارسمتهه والأمان ابنصهه جالس
شو طلعت الليل راسم ليل خالي ابلايه حارس
ليل بچه الجني الازرگ ع الجوامع والكنائس ؟؟

جمعت كلشي بلوحتي وطلعت ناتجهه ألنه
النتيجه اللوحة تعني شچم جرح صابن وطنه
ولو ذكرت اجروحه كلهن تنگلب هالوحة ونه