[center]
اليوم جبتلكم فصيدة عن السادس من ابداعي اتمنه تعجب كل الحشاشه
السادس علمي
السادس ياعالم دمرني وخلاني صافن ومحتار
السادس يا ناس قطعني كأنه سيف بتار
وكاعد كل يوم وادعي بلكي يا رب اصير قارئ افكار
واقرئ افكار مدرسة الانكليزي الي اذا دخلت للصف يكول داخل علينه اعصار
لو اقرئ افكار مدرسة الفيزياء الي شاعله بيه النار
لو مدرسة الكيمياء المحبوبه الي متدري بالكيمياء شصار
لو مدرسة العربي الله يسامحها الي مدمرتنه بالقصائد والاشعار
لو مدرسة الاسلامية السريعة يكول بيب بيب وشاف حبوب الافطار
لو مدرسة الرياضيات الصغيرونه الي تطرح وتشتق وتجمع وبصفها الملزمه مستشار
لو مدرسة الاحياء ام وجه احمر الي تعيد وتكول:احفظوا مصطلح وكيفية انشطار
وفوك الضيم وفوك القهر عدنه طالبة تصيح وتريد الواجب يوصل لقندهار
يعني شسوي يا عالم قابل الطخ راسي بالجدار
مو والله دموعي خلصت تجري من عيني انهار
وصارت حسرة بكلبي فد يوم اشوف الواجب وما اصيح يا ستار
وكعت على راسي بلوه خلتني اطيح وانهار
وهاي البلوه اسمها السادس وبيها مفتاح الاسرار
ومعاناتك صدكني متخلص حتى اذا خلص مسلسل علمدار
تصير عبالك مجاهد طالع يجاهد ويه الثوار
وتصير حياتك C4 قنبلة معرضة للانفجار
وتبقى قلق وخايف ومرعوب وحياتك محفوفة بالاخطار
مثل خروف خايف خطيه لازم سره عد الجزار
لو مثل بطلنا كلندايزر والتموا عليه الاشرار
ولازم تحاربهم كلهم لأن ما عندك أي خيار
وفوك هذا وذاك عجايزنه راسهن يابس ومتفيد وياهن الاعذار
ولا تقرب من تحجي وياهن خطر ابتعد عشرة امتار
ولازم تسمع منهن رزاله صريحة تبقى بدماغك تذكار
واذا فد يوم وجاك الصفر يهلهل لا تنقهر الحبل ع الجرار
بس اكعد صلي وادعي وابدا لاتفارك الاذكار
لأن ربك يكول دعائك يا عبدي هو مغير للاقدار
واذ صارت معجزة وطلعت الارض عن المدار
ننجح من السادس دور اول ومينظرولنه نظرة احتقار
لأن الدور الاول يا عيني مخصص بس للشطار
ونطلع فرحانين نهوس واخيرا صرنا احرار
وهسه اريد اصيح بعالي صوتي واسمع كل الناس
غبي ومخبل ليفوت السادس علمي ومطفي وما عنده احساس